Defensio, Inhibitio, in Lege Longobard. lib. 3. tit. 4. § 3. Car. M. 14. et in Capitulis Caroli M. lib. 5. cap. 130. 201. Vide Defensa 3.

Defensio. Charta Will. Ducis Aquitanor. apud Beslium :

Fratribus Cœnobii S. Cypriani concedimus Defensionem in aqua Chinni, secundum consuetudinem meam : et de cætero nemo sit qui audeat piscari... sine licentia Abbatis, etc.

Vide Defensio 3.

Deffencio. Statuta Arelat. MSS. art. 35 :

De Deffencionibus pasturarum. Item statuimus, quod quilibet qui fuerit inventus in Deffencionibus, suis bladis, vel vineis, vel pasturarum, vel nemorum, vel pratorum, etc.

Deffensia, vel Deffensium. Consuetudines MSS. Augustæ Auscicorum ann. 1301. art. 54 :

Exceptis piscariis et stagnis, columberiis, claperiis et Deffensiis.

Ibid. art. 35. habetur, Devesiis.

Defensum. Eadem notione. Charta anni 1218. in Tabulario Prioratus Belliloci in Normannia pag. 162 :

Decimæ dictæ forestæ de pratellis, scilicet essartorum et omnium venditionum tam majorum quam minorum quocunque modo factarum et herbagiorum, Defensorum et omnium rerum et proventuum ad dictam forestam pertinentium.

Monast. Anglic. tom. 2. pag. 114 :

Si ego meos porcos in parco meo, vel in aliquo alio Defenso posuero.

Vetus Inquesta in Regesto Philippi Aug. fol. 169 :

Habet in foresta Andeliaci grossum merremium ad domum suam faciendam... et tigna extra Defensa.

Charta Henrici Regis Angl. ann. 1155. pro Normanniæ incolis apud D. Brussel de Feudorum usu tom. 2. pag. iv. ad calcem :

Nulla riparia Defendatur de cetero, nisi illæ quæ fuerunt in Defenso, tempore Henrici (I.) Regis avi nostri, et per eadem loca et eosdem terminos, qui esse consueverunt tempore suo.

Occurrit in Charta xi. sæculi ex Archivo S. Victoris Massil. armar. Forojul. num. 76. Charta Gaufridi Comitis Castrodun. ann. 1202. Charta alterius Gaufridi Comitis Castri-celsi, ex Archivo Majoris Monasterii, Chartulario S. Vincentii Cenoman. fol. 32. Chartulario SS. Trinit. Cadom. fol. 43. v°. etc. Vide Devensum.

Forestæ et Silvæ Defensæ dicuntur, quod iis frui nulli liceat, nisi quibus usagii aut aliud ejusmodi competit, aut in quibus venari, nisi domino, non licet. Bois de Deffens, vel de garde et Deffense, in Consuet. Norman. art. 85. Nivern. cap. 17. art. 4. Bois Deffensables, in Andegav. art. 182. Cenom. art. 200. Vastani art. 18. Bituric. cap. 10. art. 12. 13. 14. in Lothar. tit. 15. art. 7. Bois Vetez dits vulgairement Bedats, vetitæ silvæ, seu defensæ, in Consuetud. Aquensi cap. 11. art. 12. 18. 20. Charta ann. 1190. in Tabulario Ecclesiæ Carnotensis n. 83 :

Sed Vetitum præfati nemoris et custodia ad Comitem spectant. Viæ Vetatæ,

in Charta Ricardi Regis Angliæ apud Sammarthanos in Archiepiscopis Turonensibus. Capitul. 5. ann. 819. cap. 22. lib. 4. Capitul. cap. 65. et Lex Longobardorum lib. 3. tit. 35. Ludov. P. 49. :

De forestibus nostris, ut ubicunque fuerint, diligentissime inquirantur, quomodo salvæ sint et Defensæ. Silvæ Custoditæ,

in Concil. Suession. II. ann. 853. cap. 6. Capitulare de Villis cap. 36.

Ut silvæ, vel forestes nostræ bene sint Custoditæ

. Monastic. Anglic. tom. 2. pag. 114 :

Si ego meos porcos in parco meo, vel in haya, vel in aliquo alio Defenso posuero.

Charta ann. 1118. apud Ughellum in Episc. Bovinensib. :

Si in die capti fuerint cum lignis de ipsa silva Defensa, ad judicium ipsius et Præpositi judicentur.

Notitia de Casa Vicecom. in Picton. circa ann. 1110. post Irminon. pag. 378 :

Fera seu venatio in terra S. Nicholai ab aliquo suorum hominum infra Defensum, si ictu ferri vel justæ fortuitu comprehensa fuerit, monachorum erit.

Domesdei in Monastico Anglic. tom. 3. pag. 306 :

Memorandum quod boscus de Naffoke debet esse in Defenso, dum durat pannagium, videlicet a festo Michaelis usque ad festum S. Martini, ita quod aliena animalia cujuscunque generis domestica non debent teneri vel pasci in eodem sine licentia Firmariorum, per finem faciendum in eodem. Nemus in Defensum ponere, et ab ipsius usagio arcere,

apud Perardum in Burgundicis pag. 139. Regestum Philippi Aug. Herouvallianum fol. 172 :

Haia Lire, et Haia de Aubenas inter cheminum Perre et semitam Decani, et usque ad haiam Catorum sunt Deffensa. Spissa Bosci Arnaldi et Deffensa Cellarii sunt Deffensa, etc. Buissa à Conins Defensables,

in Consuetud. Andegavensi art. 32. 33. Garennes Défendues, in Consuet. de Menetou art. 23. Arvern. cap. 28. art. 22. de Tremblevy art. 8.

Prata Defensa, in quibus pascua et animalia immittere non licet a 15. Martii ad festum S. Crucis, ut est in Consuetud. Normanniæ, art. 82 Prez Defensables, in Consuetud. S. Aniani art. 3. Vastani art. 15. Cabrisii art. 6. Bituric. cap. 10. art. 10. Burbonensi art. 525. Arvern. cap. 28. art. 6. Lotharingiæ tit. 15. art. 5. Marchensi art. 354. Juliodun. cap. 19. art. 1. Pictav. art. 196. Santon. art. 15. Aurelian. art. 147. Turon. art. 202. Lineriarum in Biturig. art. 20. Lezaici in Biturig. art. 10. de Nançay art. 22. etc. Lex Wisigoth. lib. 8. tit. 3. § 12 :

Qui in pratum in tempore quo Defenditur, pecora immiserit.

Petrus Diaconus lib. 4. Chron. Casin. cap. 20 :

Exceptis silvis, et cultis terris, et pratis Defensis.

Herbæ Defensæ. Capitulare ann. 779. cap. 17. Capitula Caroli Mag. lib. 5. cap. 139. 201. et Lex Longob. lib. 3. tit. 4. § 3. Car. M. 14. :

Nemo herbam alterius tempore Defensionis tollere præsumat, nisi vel in hostem pergendo, aut Missus noster sit.

Adde Capitulare 2. ann. 813. cap. 10. Vide Hospitalitas.

Mare Defensum, seu Palus. Vetus Charta apud Sammarthanos in Abbatibus Vallis S. Stephani Santon. diœcesis

Dederunt et furnum, et in saltibus parochiæ ad calefactionem furni necessaria, excepto Defenso mari circumjacente

. Supra stagnum et palus dicitur quod hic mare appellatur.

Aquæ Defensæ. Quoniam Attachiamenta cap. 87. § 1 :

Omnes aquæ, in quibus capiuntur salmones, ponuntur in Defenso ad capiendum salmones a die Nativitatis vel Assumtionis B. Mariæ Virginis, usque ad festum S. Martini.

Defensa, Defesa, generatim pro loco pascuo, vel prato Defenso, non semel in Chartis Hispanicis. Hispanis Dehesa, Coto, locus prohibitus. Charta Garciæ Fernandi Comitis æræ 1010. apud Antonium de Yepez in Chronico Ord. S. Benedicti tom. 1 :

Illo ganato Ecclesiæ S. Petri talem foro habeat sicut de illis de illas villas ad pascendum per omnes terminos et in fontes, in paludibus, Defensas etiam, et in molinaris, fluminibus, etc.

Infra :

Si non habuerit, carreta directa, licentiam damus pergat per Devesas, per terras laboratas, per vineas, et limites frangere, etc.

Alia Alfonsi Regis Castellæ æræ 1115. ibid. :

Fontibus, vallibus, montibus, in Defesis, paludibus, pratis, etc.

Alia Alfonsi VIII. æræ 1227. ibid. :

Cum collociis et solaribus, cum pratis, pascuis, aquis, nemoribus et Defesis, cum montibus, etc.

Alia Fernandi I. Regis Castellæ æræ 1100 :

Pratis, paludibus, Defessis, ligneis.

Adde eumdem Yepez tom. 5. pag. 444. b. et Michaëlem del Molino in Repertorio pag. 164. v. Vide Devezum.

Deffenduda, Deffenduta, Provincialibus Devendudes. Charta ann. 1242. ex Archivo Montis-rivi :

Exceptis bladis, vineis et Deffendudis.

Transactio ann. 1317. ex Schedis Præsidis de Mazaugues :

Nec etiam in terris laboratis tempore quo bladarentur, vel si signatæ fuerint pro Denffendutis ; si vero avere hominum et domini dicti castri possit libere pascere, sicut in alio territorio.

Devenduda. Charta Curiæ Arelat. ann. 1225. de Corsoriis e MS. D. Brunet fol. 86 :

Juxta istud Corsorium non possunt Hozpitalerii... facere Devendudam in palude vel garriga.

Statuta Massil. lib. 5. cap. 19. § 20 :

Item, si qua avis alicujus venatoris seu venantis equitantis transvolabit, et transvolando in vineam vel devensum, aut Devendudam intrabit, liceat illi venatori vel ejus scutifero, vel alii quem secum haberet ille venator, intrare sine equo et equitante... causa... recuperandi dictam avem, et hoc sine pœna banni.

Deffesium, Idem quod Defensum. Charta Philippi Regis Franc. ann. 1309. in 2. Regest. ejusdem Regis num. 85. ex Tabulario Regio :

In loco etiam prædicto et extra, mercaturas et denariatas suas vendere poterunt, consueta solvendo deveria, Deffesiaque de cuniculis in suis possessionibus facere, et in Defenso tenere, prout alias fieri consuevit : et qui in dictis defensis venati fuerint, sicut de eo constiterit, emendis multabuntur.

Vide Boalare, et Vetatum.

Defensum, Eadem notione, vel potius septum Ecclesiæ. Charta ann. 1066. apud Joffredum in Nicia :

Donamus ad ipsam Ecclesiam... et hortos duos qui sunt juxta pratum Arnaldi, cum ipso Defenso qui dicitur Altare.