DEPRECIARE, Glossarium mediae et infimae latinitatis, Du Cange et al.

« Depreciare » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 071b. http://ducange.enc.sorbonne.fr/DEPRECIARE

DEPRECIARE, Pretio minuere, Gallis, Dépriser. Papias : Depretiare, de pretio auferre, deprimere, vilificare. Tertullianus Apologet. cap. 45 :

Sic et Epicurus omnem cruciatum doloremque Depreciat, modicum quidem contemptibilem pronuntiando, etc.

Et de Spectac. cap. 22 :

Amant, quos multant, Depreciant, quos probant.

Fortunatus lib. 5. Poem. in Epist. ad Syagrium :

De compendio cogitans, ne utilitate pretii Depretiaretur, tibi merces captivi, etc.

Matthæus Vindocinensis in Tobia :

Te mediante ratum Depretiatur opus.

Alibi :

Alterius pretium Depretiare studet.

Egidius Corboliensis MS. lib. 3. extremo de Virtutibus antidotorum :

Sed perversa tui lex est et regula moris,

Ut quod scire nequis, id Depreciare labores.

Utuntur præterea Cyprianus de Ascens. Christi, et in Symbol. Sidonius lib. 1. Epist. 7. lib. 2. Epist. 10. et Carm. 22. Marius Mercator, pag. 75. Ambrosius de Bono Mort. Will. Malmesbur. in Vita S. Aldhelmi cap. 10. Julianus Antecess. Nov. 57. Halitgarius cap. 4. Petr. Damian. lib. 4. Epist. 17. etc.

Depretiatus, Dictus, inquit idem Papias ex Isidoro lib. 10. quod non sit aliquo pretio dignus. Gloss. Lat. Gr. Depretiati, ἐλαττωθἐντες. Gloss. Ælfrici : Depretiatus, wurðleas. Paulinus Carm. 14 :

Namque ubi corporeæ curatur gloria pompæ,

Vilescit pretio Depretiatus homo.

Vide Pretiare.

Depretiare, alia notione accipitur in Canonibus Hibern. lib. 41. cap. 22 :

Filius adlatus, servus est ejusdem (Ecclesiæ) nisi Depretiatur.

Id est, filius projectus, et allatus ad Ecclesiam, ejusdem servus est, nisi dato pretio redimatur. Confer Depecuniare.