DESGAGIUM, Mulcta, quæ ob vastationem in agris, hortisve factam exigitur ; unde Desgaiger, hanc percipere seu propter eam aliquid pignori capere. Charta Aymer. vicecom. de Rupecavardi ann. 1296. in Reg. 77. Chartoph. reg. ch. 311 :

Concedimus quod de tribus solidis, qui levantur de emenda seu Desgagio ex maleficiis seu forefactis ortorum, vinearum, etc. Si vero talis sit forefaciens qui non habeat unde solvat dictum Desgagium et dampnum emendet, ponatur in pillorio.

Lit. remiss. ann. 1451. ex Reg. 181. ch. 26 :

Se je vous y treuve une autreffois (en dommage) je vous Desgaigerai et le vous ferai réparer.

Vide supra Degagiare et Disvadiare infra in Vadium.