Wadium. Tabularium Prioratus de Domina in Delphinatu fol. 80 :

Facio autem hoc donum pro salute mea, et pro Wadio, quem ad finem daturus sum, ut quacunque morte præoccupatus fuero, deinceps de hac vita sine Wadio et confessione non exeam.

Id est, non facta eleemosyna. Charta apud Lobinell. tom. 2. Hist. Britan. col. 73 :

Quæsivit Wetenan solidos a Monachis Rotonensibus in Wadio pro duabus Salinis habentibus xi. capitellos.

Wagium, in Tabul. S. Sergii Andegav. :

Haimelinus Boitellus dedit duos arpennos prati in Wagium pro xxiv. solidis et viii. denariis, quos pro ipso emendavit Daibutus Abbas. Wage,

in Charta ann. 1302. ex Chartul. 21. Corb. fol. 101.

Vadium, Res ipsa in pignus data. Charta Ludovici Comit. Bles. ann. 1197 :

Qui Vadium clerici vel militis, vel alicujus servientis mei habebit, non tenebit illud ultra viginti dies nisi sponte sua, et tunc sine causa vendere poterit. Vadium plegii

dicitur alibi. Vide in Plegius.

Gagium, Eodem intellectu, in Charta Ludovici VII. Reg. Franc. ann. 1174. apud Marten. tom. 1. Anecd. col. 576 :

Ne alicui Judæo in eadem villa die ac nocte, nisi per legitimum testimonium, Gagium aliquod, sive equum, sive bestiam aliam liceat recipere.

Vadimonium, Eadem notione, in Literis Ludovici VII. Reg. Franc. ann. 1145. tom. 1. Ordinat. pag. 10.

Wadius, Fidejussor, sponsor, vas. Capitula ad Legem Salicam cap. 1. § 8 :

Liber, qui se loco Wadii in alterius potestatem commiserit, etc.

Lex Alaman. tit. 3 :

Roget sibi eum reddere, et donet legitimum Wadium, ut illam culpam illi servo concessam habeat.

Ita in Lege Bajwar. tit. 1. cap. 6. § 3. tit. 10. § 3. etc. Ubi quandoque idem videtur quod Vadium. Capitula Caroli M. lib. 3. cap. 29 :

Liber, qui se loco Wadii in alterius potestate commiserit.

Cap. 65 :

Semetipsum in Wadio pro servo dare studeat.

Annales Francor. ann. 777 :

Saxones reddiderunt per Wadium, et spoponderunt se esse Christianos, etc.

Odo Cluniac. lib. 1. de Vita S. Geraldi cap. 24 :

Scilicet quod debitum Wadii nequaquam debitori relaxare solitus erat, omnino falsum est, etc.

Wadia, Fidejussor. Lex Longob. lib. 2. tit. 21. § 9 :

Si quis alii Wadiam et fidejussorem de sacramento dederit, etc.

Adde § 10. 12. 14. 15. etc. tit. 30. 33. 34. 50. 55. lib. 3. tit. 3. § 10. Roth. 365. 255. Luitpr. 15. 36. 37. (3, 1. 5, 7. 8.) Carol. M. 72. 108. Roth. 225. Lothar. I. 75. Roth. 366. Ludov. II. 1. Charta ann. 765. apud Brunett. Cod. Dipl. Tusc. tom. 1. pag. 590. post subscriptiones testium et notarii :

Dedit wadia Gunterid Bonulo de solid. quattuor et fidiussore posuet, etc.

Guadius, Guadium. Herardus Turonensis Archiep. in Capitul. cap. 42 :

Non constringantur per Guadios vel sacramenta.

Vetus Notitia apud Beslium pag. 224 :

Unde judicatum est a domno Comite, et ab omnibus suis circumstantibus, quod prædictus Launus eumdem alodem secundum legem et judicium per Guadium suum eidem Isarno reddidisset, quare eum inquietaverat, cum lege et fide facta.

Charta Heccardi Comitis Augustodunensis in Tabulario Prioratus Persiaci in Burgundia apud Perardum :

Ut sicut per instrumenta Kartarum vobis tradidi, et per Quadium et andalugum, seu per istos breves commemoratum habeo.

In alia apud eumdem habetur, seu per Guadium et andelagum. Proinde emendanda formula 183. apud Lindenbrog. per meos Wadros aut andelangos : legendum enim Wadios.

Ponere per Vadium, Idem quod Vadium dare infra. Charta ann. 1298. apud Kennet. in Antiq. Ambrosd. pag. 334 :

Præcipimus tibi sicut alias præcepimus quod ponas per Vadium et salvos plegios... quod sint coram justitiariis nostris.

Vadium Dare juri standi, vel rectum faciendi, quod Vadium recti vocant. Leges Henrici I. Regis Angl. cap. 52.

Per judicium recti vadimonium dare,

ibidem. Charta Alamannica 90. apud Goldastum :

Post hoc testimonium dedit Odathartus Wadium Folchroho Misso, ut esset paratus in præsentia Domini Imperatoris in placito generali justitiam faciendi.

Dare Wadia de placito, in Notitia ann. 972. apud Murator. delle Antic. Estensi pag. 150. Tabularium Vindocinense fol. 117 :

Comes Burchardus puer honorem Vindocinensem obtinens, ætatis puer, senili maturitate, ipse faciens emendationem, Vadimonium rectitudinis tradidit,

ann. 1077.

Dare Vadium in misericordia pecuniæ suæ, hoc est, ni fallor, ita ut in arbitrio sit domini Vadium reddere. Charta Henrici I. Regis Angliæ apud Ricardum Hagustaldensem :

Et si quis baronum meorum forisfecerit, non dabit Vadium in misericordia pecuniæ suæ, sicut faciebat tempore patris mei vel fratris ; sed secundum forisfacti modum ita emendabit, etc.

Wadium, Guadium dicitur de eo quod rei alicujus signum ac symbolum est : hinc festuca quam in signum atque pignus translatæ possessionis tradebat emptori venditor, Wadium appellatur. Charta Salomonis Ducis Britonum ann. 860. apud Marten. tom. 1. Ampl. Collect. col. 14 :

De omnibus quæ ad memoratum monasterium (Prumiense) pertinent, quæ sub nostra scilicet erant potestate, per Wadium nostrum eum revestivimus.

Ubi procurator, qui alterius vices gerit, intelligi potest : at prior notio certa videtur ex Placito ann. 971. inter Probat. tom. 2. novæ Hist. Occit. col. 123 :

Et multo plures alii communi voto decreverunt judicantes, ut tali ratione que ibi proclamavit per Guadium suum, id est per festucum de vite ipsas res superscriptas in manu Ameii Episcopi reddidisset, et guirpitionem effecisset, etc.

Vadatio, Pignus, fidejussio. Charta inter Instr. tom. 2. Gall. Christ. novæ edit. col. 270 :

Aliud etiam fecit donum ut quidquid monachi possent adquirere de feudis ad se pertinentibus emtione, sive donatione vel oblatione, seu Vadatione, esset liberum et immune.

Nescio an idem sit

Vadiaco, in Charta ann. 1248. apud Ludewig. tom. 8. Reliq. MSS. pag. 270 :

Cæterum admittimus ut Vadiaco civium in Witstock sint quatuor solidi, Vadiaco autem hospitum ibidem sub pœna sit octo solidorum.

Vide mox Vadiatura, p. 231. col. I.

Vadiamentum, ut Vadium, Pignus, in Leg. Norman. apud eumd. tom. 7. pag. 278 :

Recordationem curie super hoc postulare poterunt et habere per eos qui duelli Vadiamento affuerunt.

Vadimonium, Eodem significatu. Chartular. S. Vincentii Cenoman. fol. 177 :

Et suum Vadimonium dare voluit se vidisse et audisse quod prædictus Herbertus jam dictam terram annuit.

Ibid. fol. 192 :

Otho Mathua tradidit in Vadimonium terram quandam quæ est apud Mortarios Geminos.

Chartul. S. Vandreg. tom. 2. pag. 1369 :

Clamabat etiam de jure hospitari apud Abbatiam S. Vandregisilli quot vicibus vellet in anno et quietari Vadimonia sua, quæ pro expensis suis in villa mitterentur.

Charta ann. 1181. ex Tabul. S. Urbani :

Si fundus terræ Monachis aut Sacerdoti datus fuerit, Monachorum erit, ni Vadimonium fuerit, de quo Sacerdos tertiam partem habebit.

Adde Thomasser. in Biturig. pag. 195.

Vademonium, in Tabul. Pontisar. :

His itaque ecclesiæ datis et super altare, ut dictum est, Vademoniis ab omnibus datoribus positis.

Vadimoniare, Pignori ponere, Gall. Engager. Chartul. Eccl. Apt. fol. 71. v° :

Tali autem tenore ne Vadimoniare, vel vendere, vel aliquo modo alienare absque consilio canonicorum eum honorem possis.

Charta Henrici IV. Imper. ann. 1113. apud Marten. tom. 1. Ampl. Collect. col. 632 :

Ea videlicet conditione ut nec præfatus Abbas, nec aliquis successorum....... quicquam de eisdem bonis alicui beneficiare, sive Vadimoniare præsumat.

In Vadimonium conferre, in Hist. Mediani Monast. p. 258. In Vadimonium mittere, apud Stephanot. in Antiq. Aurel. MSS. pag. 478.

Gagium Mortuum, Eodem intellectu, in Tabul. Eccl. Dolensis :

Propter hoc volunt quod dictum Capitulum habeat in pignus et Gagium mortuum omne jus quod dicti conjuges habent in decimis bladorum in territorio de la Blachonaie usque ad vii. annos. Et est expressum formaliter quod fructus a Capitulo percipiendi non computabuntur in sortem, et quod dicti conjuges dictas decimas redimere non poterunt durantibus vii. annis invito Capitulo. Elapsis vii. annis dicti conjuges eas redimere poterunt, quandocumque plene simul solvent xxx. libras. Et quamdiu a prædicta solutione cessabunt, dictum Capitulum dictas decimas in Gagium mortuum possidebit, fructibus earum in sortem non computandis.

Vadium ad Remanens. Concilium apud Clarendonam ann. 1163. cap. 4 :

Excommunicato non debent dare Vadium ad remanens, nec præstare juramentum ; sed tantum vadium et plegium standi judicio Ecclesiæ, ut absolvantur.

Ita apud Bromptonum, ubi Matth. Paris habet ad remanentiam.

Vadia, Stipendia, nostris Gages. Bromptonus in Ricardo I :

Et dedit unicuique eorum, (Militum) Vadia sua et liberationem ab illo die usque ad proximum Pascha sequens.

Comput. ann. 1202. apud D. Brussel de Usu feud. tom. 2. pag. cxciii :

Hugo piscator pro suis Vadiis. xl. sol..... Luparius pro suis Vadiis duorum mensium, lvi. sol.

Conventio inter Carolum Provinc. Comit. et Arelat. ann. 1251 :

Quandocumque ibunt cum domino Comite habebunt ab eo stipendium sive Vadia.

Charta Johannis Reg. Franc. ann. 1351. apud Marten. tom. 1. Ampl. Collect. col. 1467 :

Cum 400. hominibus armorum et 800. servientibus retinuerimus ad nostra Vadia consueta, etc.

Occurrit præterea tom. 3. Ordinat. Reg. Franc. pag. 483. tom. 2. Hist. Dalphin. pag. 74. apud Lobinell. tom. 2. Hist. Britann. col. 677. et Menester. Hist. Lugdun. pag. 136.

Gadia, Eodem significatu. Litteræ ann. 1314. tom. 2. Hist. Dalph. pag. 152 :

Concedentes dicto procuratori nostro plenam et liberam potestatem, ac speciale mandatum et generale dicta Gadia seu stipendia quantacumque et qualiacumque sint, petendi et recipiendi a quibuscumque thesaurariis, etc.

Gagia, Eadem notione. Leges Palat. Jacobi II. Reg. Majoric. inter Acta SS. tom. 3. Jun. pag. lxxxii :

Si absentes a curia sua Gagia sive quitationes reciperent, etc.

Litteræ Roberti Reg. Siciliæ ann. 1314. tom. 2. Hist. Dalph. pag. 151 :

Infrascripta Gagia statuimus... Prædicta vero Gagia solvi et fieri mandabimus successive per terminos oportunos.

Vadium, Merces, honorarium quod ex officio competit. Statutum Caroli VII. Reg. Franc. apud Marcellum Hist. Paris. pag. 476 :

Absque tamen aliquorum a nobis propterea perceptione Vadiorum locum inter eos assignare teneantur.

Guadia. Ugutio, et Joan. de Janua : Guadia, debita constitutio. Notitia Judicati in Tabulario Casauriensi :

Ipse Majo per inquisitionem, et per idoneos homines Guadiam dedit ad probandum.

Chronicon Farfense pag. 653 :

Tunc ab omnibus decretum est, ut idem Pando Guadiam cum suis ad partem Palatii daret, et componeret juxta edicti paginam de ipso Judicatu incenso.

Infra :

Et Guadiam de compositione juxta legem dare fecerunt.

Vadiare, Guadiare, guadium constituere, vel guadia firmare, Ugutioni. Gloss. Lat. Gall. Guadiare, Gager, fermer. Leges Alvredi Regis West-Sax. cap. 1 :

Si quis autem Vadiet, quod fieri justum sit, et transgrediatur, etc.

Statuta Humberti Bellijoci apud Acher. tom. 9. Spicil. pag. 184 :

Si quis portaverit pannum intra operatorium ad faciendum indumentum, non debet Vadiari ab eo in operatorio, nisi ab illo cujus pannus erat, si non fuerit pagatus.

Chronicon Farfense pag. 666 :

Si autem aliqua querimonia adversus hujus monasterii rectores insurrexerit de jam dictis rebus,...... nostræque acclamaverint clementiæ præsentiam, Comes noster et Missi nostri discurrentes, seu Ministri Reipublicæ, faciant ambas partes in nostram audientiam Guadiare.

Vetus Notitia apud Beslium in Episc. Pictavensibus :

Postea vero Presbyteri Guadiaverunt, quod injuste ita sane fecerant, et illorum extitit fidejussor Launo Abbas.

Alia Notitia Judicati apud Gallandum de Franco alodio pag. 296 :

Guadiavit ergo Heudo Comiti per judicamentum curiæ ejus forisfactum invasionis et injustitiæ suæ ; et cum deinde judices, quid in guadio contineretur, Heudo interrogaret, responderunt judices : Quantum Comiti placeret.

Concilium Insulanum ann. 1234. can. 9 :

Quicumque auctoritate vel temeritate propria Ecclesias, vel Ecclesiasticas præbendas pignoraverit, vel Guadiaverit, etc.

Gathgiare, Guagiare. Tabularium monasterii Deiparæ Sanctonensis fol. 23 :

Nobis baculo in cartula pendente Gathgiavit.

Charta Mauritii d'Arablay, in Tabulario Vindocinensi fol. 201 :

Et recognovit, quod in præfato hurgo, et taliata nihil habebat, et quod injuste calumniatus fuerat, et inde Guagiavit rectum cum cornu cappæ suæ Domino Roberto Abbati.

Stero in Chron. ann. 1251. de Frederico II. Imp. :

Veneno extinctus sepultus est..... tam occulte, quod multi per annos 40. Vadiabant eum vivere.

Vide suo loco.

Wadiare in Prætorio et Wadium suum in judicio comprobare, in Statut. Archiep. Bremens. ann. 1246. Vide Leg. Longob. lib. 3. tit. 1. § 43. Lothar. I. 43. Capitula Ludovici Pii ann. 826. edita a Labbeo in Conciliorum editione cap. 6 :

Si forte quispiam aliquem mallaverit, et ille, qui mallatus fuerit, dixerit eum servum suum esse,.... jubemus ut præsentialiter inter se Wadient, ut ad primum, vel secundum, vel tertium placitum causam ipsam definiat.

Invadiare, Pignori ponere, Engager, Quasi rem in vado ponere, id est, tuto, accepto pignore, alicui dare. Notum proverbium apud Terentium et Plautum :

Res in vado est,

unde forte nata vox vadium et Invadiare. Leges Edwardi Reg. Angl. cap. 35. de armis :

Non debent illa Invadiare, nec extra regnum vendere, etc.

Burkhardus de Casib. S. Galli cap. 11 :

Calicem aureum... Invadiavit, etc.

Occurrit passim. Enwagement, pro Engagement, in Charta ann. 1311. ex Chartul. 21. Corb. fol. 295. v°.

Ingagiare. Eodem intellectu. Charta ann. 1096. ex Tabul. S. Albini Andegav. :

Pactionem etiam talem cum prædictis monachis fecerunt ut de terra vel possessione jam dictæ curtis quæ sibi remanebat nihil unquam venderent aut Ingagiarent, nisi ipsis monachis : casati etiam sui, si de ipsa terra vel possessione aliquid vendere vel Ingagiare voluerint, hoc prius offerent illis duobus fratribus superius nominatis.

Vadiare Bellum, seu duellum. Bromptonus :

Alii vero dixerunt, quod Comes nec Baro, nec aliquis Regi subditus bellum contra Regem in appellatione sua de lege potest Vadiare ; sed in toto ponere se in misericordia sua, et emendas sibi offerre competentes.

Tabul. B. M. de Bono nuntio Rotomag. :

Et vidit duellum inter duos homines Vadiari in curia dictorum Religiosorum super mehaingnio.

Judicium Ferri vel Aquæ Vadiare, in Legibus Adelstani Regis cap. 30. id est, purgationem criminis sibi impositi per hæcce judicia offerre.

Legem Vadiare. Vide Lex.

Vadiare Mulierem, Eam sibi in sponsam pignore asserere. Statuta Cadubrii lib. 2. cap. 98 :

Mandamus quod si quis sine voluntate patris mulieris eam Vadiaverit, vel desponsaverit, vel juraverit... in 50. lib. P. condemnetur.

Gajare, Aliquem pecunia corrumpere. Inquisitio ann. 1268. ex Schedis Præsid. de Mazaugues :

Quia juvit ibi ad Gajandum homines de Arelate et aliunde pro segnoria domini Barralis.

Diswadiare, Rem oppigneratam redimere, Desgager. Charta Ludovici VII. Reg. Franc. ann. 1169. apud Marten. tom. 6. Ampl. Collect. col. 239 :

Tali tenore stat wadium, quod non Diswadiabunt illud nisi ad suum retinere, et quod de manu sua decimam non ejiciant.

Chronologia Augustinensis Cantorberiensis :

Carta de terra, quam Abbas Hugo Diswadiavit de Wiberto de Thaneto.

Charta Richardi de Porcomortuo in Hist. Abbat. S. Cathar. Rotom. :

Quousque pecunia nostra, de qua omnes illas res debent Diswadiari, ab uxore ejus et filio nobis reddatur.

Disvadiare, Pignori capere, vel pignus auferre et retinere. Charta Reginaldi de Bosco in Hist. Abb. S. Audoeni Rotomag. pag. 436 :

Neque nos possumus vel debemus in prædicta foresta aliquem Disvadiare propter aliquot forisfactum, nec capere propter aliquam manuum operationem, quam in ea faciat.

Charta ann. 1054. ex Tabul. S. Victoris Massil. :

Et si ita non fecerint, licentiam dederunt Bertranno Monaco ut Disvadient eos infra treugam et foras treugam.

Hac notione Desgager, usurpant Consuetudines S. Aniani art. 5. Stampensis art. 154. Montargensis cap. 4. art. 12. 13. cap. 18. art. 6. Camerac. tit. de Actionib. artic. 4. 5. Desengager, in Consuet. S. Severi tit. 14. art. 2.

Divadiare, Eadem notione, Pignori capere, in pignus retinere. Leges Henrici I. Regis Angl. cap. 23 :

Si quis blodwitam... et hujusmodi forisfaciat, et inde veniat sine Divadiatione, vel calumnia, placitum domini sui est.

Cap. 41 :

Si quis autem, ubi forisfecerit, retentus vel Divadiatus sit, plene componat.

Cap. 57 :

Si inter eos homines disceptetur in curiis super accusationibus, alternatim sibi rectum faciant in causis suis nisi quis retentus, vel Divadiatus sit, vel plegiatus pro culpa sua, etc.

Cap. 80 :

Aut Divadietur aut retineatur ibi malefactor.

Adde cap. 41. et 94.

Gageria dicitur, quæ fit ex vi contractus obligatorii, vel sententiæ, aut aresti contra debitorem lati, cujus res mobiles in Regia manu ponuntur, et sequestrantur. Charta ann. 1151. tom. 1. Macer. Insulæ Barbaræ pag. 84 :

Stephanus de Villars pedesticum de Roccataillia...... misit Girino seneschalcho et Lugdunensi Ecclesiæ in Gageriam, pro decem millibus solid. Lugdun. monetæ.

Charta Joan. Briennensis ann. 1200. in Tabul. Campaniæ Thuano pag. 270 :

Et octingentas libras, quas posui in Gageria, quam a fratre meo accepi.

Alia Gaufredi D. Joinvillæ Senescalli Campan. ann. 1190. pag. 71 :

Si absque ipsius licentia de prædictis terris amodo dividerent, vel in vadium sumerent, emptionem suam et Gageriam amittent.

Institutiones Capituli Gener. Cisterciens. dist. 11. cap. 3 :

Gageriæ autem ulterius non accipiantur, exceptis feodis nostris, secundum quod a jure est concessum, etc.

Eadem habent ferme Statuta antiqua Cartusiens. 2. part. cap. 32. § 29. Libertates Oppidi Jasseronis in Sebusianis ann. 1283 :

Item concedimus, ut nullus teneatur accipere pignus, vel Gageriam, a nobis, vel ab aliquo alio, nisi plus tertio valuerit, quam illud, pro quo offertur, etc.

Ita usurpant veteres Chartæ apud Roverium in Reomao pag. 232. 233. 236. 240. quæ potissimum sunt de prædiis in Gageriam datis. Iis adde Hist. Dalphin. tom. 2. pag. 192. Marten. tom. 1. Anecd. col. 868. et Gall. Christ. tom. 4. inter Instrum. col. 597.

Gatgeria, Guatgeria, in Chartul. S. Petri de Domina fol. 63 :

Octavam partem decimariæ de Thedesio accepit D. Hugo prior in Guatgeria de Petro Bruno pro 100. sol. Valencianis. De hac Gatgeria fuit fidejussor dom. Aynardus, etc.

Vadium, Eadem notione. Charta Stephani Noviom. Episc. ann. 1214. apud D. Brussel tom. 1. de Usu feud. pag. 311 :

Nos pro quibusdam Vadiis Meldensis Ecclesiæ quæ præpositus Comitissæ detinebat, villam invenimus suppositam interdicto.

Gadium, pro Vadium, Pignus. Tabul. S. Victoris Massil. :

Dodonus misit pro Gadio unam sechuram prati quæ est sub ponteillari de Mota.

Ibidem :

Martino non permiserunt suum Gadium dare sicut decet.

Chartul. majus ejusdem Monast. pag. 102. v° :

Ego Rostagnus et uxor mea Constantiana donamus Gadium nostrum ex omnibus laboribus nostris et ex omnibus acquisitionibus nostris.

Vagium, Eodem intellectu. Charta Ludovici Reg. Franc. ann. 1153. apud D. Brussel tom. 1. de Usu feud. pag. 275 :

Quia in Vagio S. Mammetis facta est, et ad eum nihil pertinet, etc.

Charta ann. 1174. apud Rymer. tom. 1. pag. 38 :

Pro amore filii sui ad pacem revertantur, si Vagium et plegium dederint standi in judicio de hiis, quæ ante gwerram forisfecerunt.

Chartul. S. Vandreg. tom. 2. pag. 1636 :

In villa autem Alpici vel omni terrario, si sanguis effusus fuerit, vel facta seditio, vel Vagium belli datum, meum est judicare.

Vadare, Fidejubere pro alio, vel in vadem se dare. Glossæ Isid. : Vadatur, promittit, pollicetur, fide dicit. Flodoard. lib. 4. Hist. Remens. cap. 19 :

Pro quo facinore Vadatus in hac Synodo, centum libris argenti pacatur cum præfato Stephano Episcopo, etc.

Adde Baldricum Noviom. lib. 1. cap. 65. lib. 2. cap. 1.

Revadiare, Rewadiare, Reguadiare, Eadem qua prius notione, Vadium dare pro re quavis. Chartæ Parensales form. 6 :

Sic ei in præsenti fuit judicatum, ut ipsum servitium sancti illius, unde negligens aderat, ipsi Advocato sancti illius Rewadiare deberet, quod ita et fecit, et seipsum ad servitium sancti illius ibi se in præsenti recredidit.

Vetus Charta apud Beslium pag. 176 :

Sic ad præsente ipsa falsitione per ipsa Charta Rewadiaverunt, et in servitium S. Juniani de parte genitore eorum Allifredo se cognoverunt, et ad pedes ipsius Ramnulfo se prostradiderunt, et wadios de omnibus ei dederunt, per quid ipsa falsitione præsentaverunt, vel per quid illo servitio contenderunt.

Placitum Caroli C. ann. 22. in Tabul. S. Dionysii :

Visi fuimus judicasse, ut memoratus Major nomine Autreneus inantea adietisset, et unusquisque de sæpedictis servis ipsum servitium inferiorem, unde de legibus probatus habet, mallasset vel repetisset, et ipsum servitium emendassent, et Revadiassent, sicut et fecerunt.

Baldricus lib. 1. Chron. Camerac. cap. 118 :

Eo siquidem pacto ut Walterus pro admissis 20. libras argenteorum Revadiaret.

Continuator Historiæ Episcoporum Virdunensium n. 4 :

Deinde summam pecuniæ ad diem denominatum Domno Episcopo Revadiavit.

Vetus Notitia apud Perardum pag. 149 :

Tunc judicatum est a supradictis Scabineis, ut de ipsis casnis quod mortificavit, legem faceret et Rewadiaret, seu supradictam terram legaliter redderet, quod et fecit.

Chronicon Farfensis Monasterii :

Tunc supradicti Missi et judices eos Regwadiare fecerunt, fidejussores utriusque secundum legem ponentes. Heribannum rewadiare,

in Capitul. 1. ann. 812. cap. 2. 9. Capitul. Caroli M. lib. 4. cap. 70 :

Ut vassi nostri..... qui anno præsente in hoste non fuerunt, heribannum Rewadient, etc.

Appendix 2. ejusd. lib. cap. 8 :

Ut omnia, quæ wadiari debent, juxta quod in Lege continetur, pleniter secundum ipsam legem Rewadiata fiant. Bannum rewadiare,

lib. 5. cap. 43. 98. et in Addit. 4. Lud. Imp. cap. 72. 95. in Capitul. 1. ann. 812. cap. 3. 5. in Edicto Pistensi cap. 21. in Capitul. Caroli C. tit. 40. cap. 1. apud Hincmarum Laudunensem pag. 610. 612. etc. Bannum wadiare, in Lege Longob. lib. 3. tit. 1. § 43. Loth. I. 43. Adde lib. 2. tit. 21. § 29. Car. M. 126. ex Addit. 2. Capitul. lib. 4. cap. 8. Debitum rewadiare, in Edicto Pist. cap. 22. Debitum wadiare, in Lege Longob. lib. 1. tit. 2. § 11. Lud. P. 42. Rewadiare xenium, apud Flodoardum lib. 3. Histor. Rem. pag. mihi 560. In Gloss. Lindenbrog. Rewadiare est relaxare : unde hoc verbum adhibebant cum pignus liberabatur, solvebatur, ut monet Eccardus in Notis ad Leg. Sal. pag. 173. Id tamen raro factum fuisse ex locis a Cangio laudatis colligitur.

Vadium, Pœna, mulcta pecuniaria. Charta Balduini Comit. Flandr. ann. 1116. apud Miræum tom. 2. pag. 1154. col. 1 :

Vadium etiam, si pro qualibet forisfactura acceperit ab aliquo, non alibi quam infra curtim S. Amandi commendabit.

Vadiatura, Vadiatio, Pari significatu. Charta ann. 1271. apud Rudloff. Cod. Diplom. Megalop. Fasc. 1. pag. 65. num. 24 :

Quod Vadiatura 5. solidorum integraliter nostra erit.

Privileg. Mundense ann. 1246. apud Haltaus. Glossar. Germ. col. 918 :

Major Vadiatio quæ fit judici unum est talentum.

Vide eundem Haltaus. col. 2089. voce Wette, supra Vadiaco.

Gagium, Eadem notione. Charta ann. 1256. in Regesto Comitum Inculismensium :

Remittendo et franchisando nobis et dictæ villæ garenam suam quam habebat in vinoblio et territorio dictæ villæ, et Gagia sive pœnam, quæ occasione dictæ garenæ a venantibus in eadem consueverat percipere et habere.

Consuetudo Castri Bellaci in Charta Hugonis Marchiæ Comitis in eodem Regesto :

Si quis bannum Comitis infregerit, debet reddere de Gagio solidos 60.

Charta ann. 1289. in Hist. Beneharn. pag. 311 :

Census nostri sunt assignati et statuti ad Mortgagia et pœnæ similiter.

Alia Radulfi Issoldunensis ann. 1235 :

Si vero ex prædicto pascuario non fideliter soluto Gagium contingeret evenire, totum Gagium meum erit.

Charta Philippi Regis Franc. ann. 1310. pro Libertatibus Bastidæ in Petragoricis, ex Regesto 47. Tabularii Regii n. 38 :

Et nisi prædictæ obliæ nobis solutæ fuerint prædicto termino, 5. sol. nobis solventur pro Gagio, et obliæ supradictæ.

Gaigium, Simili sensu, in Litteris Caroli V. Reg. Franc. ann. 1370. tom. 5. Ordinat. pag. 345 :

Quod si temporibus futuris.... universitatem et habitatores, super quibuscumque causis et litibus contingeret poni in deffectu, vel ipsos debere clamores et Gaigia aliqua lx. solidorum, vel majores emendas solvere, etc.

Gatgium, Eodem intellectu. Consuet. Brageriac. art. 76 :

Item nullus sit ausus extra villam dicti loci et districtus ejusdem dolia tonellorum vacuorum transferre, neque mayramen, neque vimos, neque codram ; et si faciat contrarium in sexaginta solidos pro Gatgio condemnetur.

Gadium, Guadium, Pari significatu. Diploma Caroli M. inter Instrum. tom. 2. Gall. Christ. novæ edit. col. 179 :

Ita ut nullus ecclesiasticus infra claustrum manens, aut alicui ecclesiastico serviens, Gadium, nec telonarium, nec aliquam justitiam per vim exsolveret.

Charta ann. 1058. inter Probat. tom. 2. novæ Hist. Occit. col. 230 :

Non requirant in isto loco jam nominato ullum censum, non Guadium, non receptum, nec ullum forsfactum non faciat.

Guagiamentum, Eadem notione. Charta Humberti Dalphini ann. 1343. pro Libertatibus villæ de Pineto ex Schedis V. Cl. Lancelot :

Item quod in dicta villa Pineti pro Guagiamento dentur 2. den. etc.

Gagiare, Mulctam solvere. Emendam gagiare, in Statuto S. Ludovici ann. 1259. Gager l'amende, in Consuetudine San-Paulana art. 32.

Gatgiare, Eodem intellectu. Charta Caroli Reg. ann. 1367. ex Tabul. Archiep. Auxitan. :

Coram nobis aut nostro locatenente Gatgiaturos et emendaturos, etc.

Disgagiare, nostris Desgager, Mulctam impositam exsolvere, in Consuet. Villæ-novæ d'Arjençon in Pict. ann. 1233.

Gagiata, Solutio, non semel in laudato S. Albini Tabulario.

Gadium, pro Testamento. Testamentum Guillel. de Tortosa filii Guillelmi D. Montispessulani ann. 1157. Oct. :

Sic ultimum elogium meum compono, etc. Gadium sive testamentum meum nuncupative facio, etc.

Guadium, Eodem sensu, Chartular. Aptense fol. 34 :

Si in itinere quod agere dispono ad Jerusalem defunctus fuero, dabo per Guadium ipsum vasculum plenum vino puro ad prædictum opus.

Vide S. Rosa de Viterbo Eluc. voce Gadea, Raynouard. Glossar. Rom. tom. 3. pag. 440. voc. Gaje, Gadi, Gazi.

Gadiare, in Gloss. MS. Reg. Cod. 1701 : Res suas ante mortem disponere.

Gadiator, Executor testamentarius, qui res testatoris in vadium habet, ut de iis disponat. Testamentum Raimundi Comitis Tolosani ann. 1249. apud Catellum pag. 374 :

Residuum vero de decem millibus marchis supradictis quod restat, distribuendum volumus arbitrio Commissariorum nostrorum infrascriptorum, qui Gadiatores, seu spondarii vulgariter appellantur ad pias causas, sicut saluti animæ nostræ magis expedire videbunt.

Infra :

Commissarii autem, Gadiatores, seu spondarii nostri isti sunt, etc.

Testamentum Rostagni de Podio alto ann. 1261 :

Item volo, quod Rostagnus filius meus restituat et solvat de bonis meis omnia forefacta mea, arbitrio et cognitione Gadiatorum meorum, etc. Gadiatores seu Executores testamenti,

in Concilio Avenionensi ann. 1270. cap. 2.

Guadiator, Eadem notione, in Testam. Beatricis de Alboreya Vicecom. Narbon. ann. 1367. apud Marten. tom. 1. Anecd. col. 1521. 1524. et in Testam. Guillelmi Vicecom. Narbon. ann. 1397. ibid. col. 1632.

Vadiator, Eodem intellectu. Charta Amblardi Lugdun. Episc. ann. 978. inter Instr. tom. 4. Gall. Christ. novæ edit. col. 5 :

Itaque jurejurando præcepi Vadiatoribus meis pro Deo, pro omnibus sanctis,.... ut chartam meæ eleemosynariæ integram et expressam facerent supradictis monachis..... Ideoque nos Vadiatores, etc.

Guagiarius, Pari significatu. Charta ann. 1228. ex Chartul. S. Johannis in Valle :

Petebant Guagiarii a dicto Thoma omnia mobilia dicti defuncti Gaufridi et quod idem Thomas satisfaceret tanquam hæres legitimus super x. lib. annui redditus, quas præceperat idem Gaufridus in suo testamento pauperibus erogari...... Tandem dicti Guagiarii, etc.

Gadiator, Tutor, forte is qui testamento constituitur, Gall. Tuteur. Statuta Montispessul. MSS. ann. 1204 :

Puella quæ numquam habuit virum non possit nubere sine consilio parentum suorum vel cognatorum, vel Gadiatorum, et ille qui eam duceret sine consilio jam dictorum, incidat in manus domini persona ejus et tota sua superbia.

Gadiarius, Fidejussor. Charta Longobardica ann. 973. apud Ughellum in Archiep. Benevent. :

Qualiter... guadium mihi dederunt Simeon Clericus, et Nardus Clericus, et mediatores posuerunt Gadiarios de jam dicta civitate, etc.

Contragagiamentum, vulgo Contregage. Charta Philippi Regis Franc. data Parisiis 12. Junii anno 1309. in Regesto Tabularii Regii, qua bella privata inhibentur :

Item ne quis sine nostri licentia in regno nostro cætum, cohortem, vel aliquam congregationem faciat armatorum ; ne quis Contragagiamentum acceptet, vel pacem nostram regni nostri quolibet modo infringat. Et cum aliqui corruptelas pro Consuetudinibus in iis casibus soleant allegare, tales damnatas Consuetudines tollimus, et penitus reprobamus, etc.

Vide Contragagiamentum suo ordine, et supra Plegius.