DESPOLIARE, Glossarium mediae et infimae latinitatis, Du Cange et al.

« Despoliare » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 082c. http://ducange.enc.sorbonne.fr/DESPOLIARE

DESPOLIARE, Spoliare, Gall. Despouiller. Gloss. Latino-Græc. : Despoliat, ἀποδύει, σϰυλεύει. Glossar. Græc. Lat. : Ἀπέϰδυσις, Despoliatio. S. Fulgentius Epist. 3 :

Virgo, quæ ornatum corporeæ vestis affectat, animam suam virtutum splendore Despoliat.

Lex Bajwar. tit. 3. cap. 14. § 2 :

Si autem aliquis tam præsumptuosus fuerit, ut peregrinis nocere voluerit, et fecerit, aut Despoliaverit, vel læserit, etc.

Adam Bremensis cap. 102 :

Et tunc cum exercitu veniens, Episcopatum, quasi non suum, Despoliavit.

Vita B. Godefridi Cappenbergensis :

Num debebo pati, plures ut Despoliati,

Ob mala quæ tulerant, limina nostra terant ?

Occurrit præterea in Vita S. Altmanni Episcopi Pataviensis, in Capitulis Caroli M. lib. 5. cap. 212. 364. apud Gregorium VII. PP. lib. 3. Epist. 3. præterea apud Nonium in Fama, etc. Verum et apud Ciceronem ipsum Attic. 7. 9.

Cum ferret litteras vulneratus et Despoliatus est

. Cæsarem quoque de Bello Gall. 2. 31.

Armis Despoliare

. Ibid. 5. 6.

Despoliare nobilitate

. Quamobrem hinc amandari potuisset verbum Despoliare politioribus Latinis notum, ut et sequens Dispoliare : quod simili modo Tullius usurpat Verr. 4. 20 :

Ut etiam una cum cæteris Siculis Dispoliaretur.

Lactant. 6. 11 :

Hominis se appellatione Dispoliat.

Dispoliare. Gloss. Lat. MS. Regium : Dispoliat, nudat. Vetus Interpres Epistolæ S. Barnabæ cap. 8 :

Et observant quasi in simplicitate ambulantes, quem Dispolient.

Paulin. Epist. 5 :

Si Dispoliatus corpore, non inveniaris nudus ab opere.

Et Epist. 10 :

Dispoliatio priorum parentum

. Prudentius contra Unionitas :

Sed fortasse velis patriæ pietatis honore

Dispoliare Deum.

Gelasius I. PP. Opusc. contra Pelagianos :

Si ista despiciunt, semetipsos sanctificatione Dispolient.

Adde Trebell. Pollionem in Zenobia, Fragmentum Petronii pag. 6. Concilium apud S. Macram ann. 881. cap. 8. etc. Dispoliatio, dispoliator, in Cod. Th. leg. 6. de Sepulcr. violat. (9, 17.) et leg. 28. de Episc. (16, 2.) Despoliatio carnis, apud Tertullianum de Resurr. carn. cap. 7.

Dispolium, Spolium, Gallis Despouille. Vetus Notitia Monasterii S. Juniani in Picton. ann. 834 :

Quod ipse Agnaldus venisset super homines in sua forcia ex villa Cavadado, et exforciasset, et eos batuisset injuste et eorum Dispolia distracta et alias res... exportassent.

Vide Spolium.