DICERTIO, Famulus honoratior quidam ; an qui a consiliis vel a secretis ? Ut ut est mendum hic suspicor. Charta Will. archiep. Rem. ann. 1197. in Suppl. ad Miræum col. 1 :

Cum de equitaturis, quas solus cancellarius (ecclesiæ Tornac.) habere deberet, revocaretur in dubium, et diversi in parte ista diversa sentirent, via media incedentes statuimus magistrum Gisellinum cancellarium tribus Dicertionibus cum duobus servientibus et uno gartione esse debere contentum.

Leg. forte Dissertoribus. Vide Dissertor.