DIETA 3, Glossarium mediae et infimae latinitatis, Du Cange et al.

« 3 dieta » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 110b. http://ducange.enc.sorbonne.fr/DIETA03

3. DIETA, Cursus Ecclesiæ ordinarius, seu officium, quod quotidie celebrari solet in Matutinis horis. Liber Ordinis S. Victoris Parisiensis MS. cap. 27 :

Hæc sunt autem tempora, in quibus circumferendus est liber ; quoties Dieta cantatur, ad singulas sessiones circumferatur.

Beletus de Divinis Officiis cap. 21 :

In noctibus istorum Dierum, qui solennes non sunt, psalmi duodecim, quos vulgus Dietam vocant, cum sex antiphonis canuntur, ac tres lectiones totidemque responsoria recitantur.

Acta Episcopor. Cenoman. pag. 319. Tunc Episcopus :

Profer igitur si hodiernis interfuisti mysteriis. Respondit, Non. Pangamus ergo Domino Deo hymnos matutinales. Quibus inceptis, Heinricus profitetur, se Dietam ignorare. Episcopus tamen rolens omnino ejus reserare inscientiam, Dei genitrici solitos Psalmos canere cœpit. Horum quoque nec versus noverat, nec seriem.

Adde Durandum lib. 5. cap. 3. n. 29.

P. Carpentier, 1766.

◊ Officium feriæ vel pars ejusdem officii, seu Preces quæ diebus tantum jejunii recitantur. Ordinar. MS. S. Petri Aureæ-val. :

Per octabas hujus festivitatis (S. Joan. Bapt.) fiunt tres lectiones cum Dieta, et una antiphona super Dietam. Dyée

nuncupatur in Cæremon. MS. eccl. Brioc. :

Quant l'on fait la Dyée, c'est assavoir quant l'on fait la matine sur sepmaine, comme en Caresme ou en l'Avent,... l'on doit faire prostration, c'est assavoir que l'on doit estre tous à genoulz durant les

Preces et Miserere à toutes les heures.