ECCLESIASTICUM, nude, pro jure Ecclesiastico, seu eo, quod ad Ecclesiam spectat. Tabularium Abbatiæ Conchensis in Ruthenis, ch. 35 :

Totum vobis dono insuper illa Ecclesia cum ipso Ecclesiastico, quæ est fundata in honore sancti Stephani, etc.

Charta ann. 948. tom. 3. Annal. Bened. pag. 495 :

Quæ donatio hoc pacto facta est, ut Abbo Clericus ipsam Ecclesiam retineret cum suo Ecclesiastico.

Charta Sanctii Regis Aragoniæ ann. 1093. apud Catellum in Comitib. Tolos. pag. 93 :

Cum Ecclesiis et Capellanis suis, quæ ibidem erunt, si voluntas Dei fuerit, cum decimis et primitiis, simulque oblationibus et pertinentiis suis, cum omni Ecclesiastico suo.

Occurrit rursum infra. Charta Sanctii Regis Aragonum æræ 1131. apud Antonium de Yepez in Chron. Ord. S. Benedicti tom. 7 :

Dono et Ecclesiam S. Cæciliæ cum decimis et primitiis et cum oblationibus suis, sive cum omni Ecclesiastico suo, et cum cuncta medietate de suo termino cum suis pertinentiis.

Infra :

Cum Ecclesiis et Capellaniis, quæ ibidem fuerint,... cum Ecclesiastico earum sine ulla reservatione, etc. Ecclesiasticus honor,

eadem notione. Idem Tabularium Conchense ch. 464 :

Confirmo tam prædictam Ecclesiam, quam etiam totum Ecclesiasticum honorem, qui ad Senioratum de Malavilla pertinet.

Adde ch. 496. et Anton. Brandaon. tom. 3. Monarch. Lusitan. pag. 285. v. 286. v. et lib. 10. cap. 14. Ch. ann. 1147. apud S. Rosa de Viterbo, voce Egrejairo. Vide Jus ecclesiasticum.