« »
 
EMBOLIS 1, EMBOLIS 2.
[]« 1 embolis » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 253a. http://ducange.enc.sorbonne.fr/EMBOLIS1
1. EMBOLIS, Embolum, Embolim, Græcis ἐμϐολισμός, Additio, additamentum, proprie autem dicitur, quod Epistolæ jam scriptæ additur, vel quod extra præcipuam illius materiam ad calcem rejicitur. Chartam insertitiam vocant Centuriatores Magdeb. alii Postscriptum. Epistola Pauli PP. ad Pipinum Regem :
In Embolim vero direxit nobis a Deo protecta Excellentia vestra præfatum vos Desiderium admonuisse, Reges Neapolitanos ac Cajetanos constringere, ob restituenda patrimonia protectori vestro B. Petro, etc.
Alia Adriani PP. ad Carolum M. :
Emisit nobis Stephanus Neapolitanus Episcopus per suos apices,... in quibus Embolum posuit, significans nobis de nefando Adalgiso, etc.
Vide tom. 3. Hist. Franc. pag. 717. 745. 747. 770. Baron. n. 860. num. 35. etc.
Embolim, Eadem notione, apud Leonem III. Epistol. 5. 9.
© École des chartes.
[]« 2 embolis » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 253a. http://ducange.enc.sorbonne.fr/EMBOLIS2
2. EMBOLIS, seu Embolum, apud Scriptores Ecclesiasticos, dicitur pars illa qua clauditur Dominica oratio Sed libera nos a malo, quia, ut ait S. Cyprianus Serm. 6. et ex eo Amalarius lib. 3. de Eccl. Offic. cap. 29.
in consummatione orationis venit clausula, universas petitiones et preces nostras collecta brevitate concludens
. Ordo Romanus :
Sequitur in altum Prefatio Dominicæ orationis, et Oratio Dominica cum Emboli sua, in qua tres articuli orationis inveniuntur.
Vide Card. Bona Lib. 2. Rerum Liturgic. cap. 15. n. 2.
P. Carpentier, 1766.
◊ Pro conclusione cujusvis officii ecclesiastici usurpari videtur, in Ritual. MS. eccl. Senon. in Cœna Dom. fol. 70 :
In eo vero loco ubi solemus uvas benedicere, consecratur oleum pro infirmis concluditurque conclusione,
Per quem hæc omnia semper Domine bona creas, etc. Unde intelligimus Embolum esse supradicti officii.
© École des chartes.