3. EPISCOPIUM, ipsa Ecclesia Cathedralis. Translatio S. Marci Episc. Atinensis n. 7 :

Et eadem nocte deputatis Clericis, in hymnis et spiritualibus canticis tota nocte pervigiles jussit manere, ut facto mane, ad Episcopium ejusdem urbis cum laude et gloria deportaret.

Occurrit rursum infra. Apud Theophanem Cerameum, homilia quarta habita dicitur ἐν τῷ ἄμϐωνι τῆς ἐπισϰοπῆς, id est, in Ambone Cathedralis Ecclesiæ. Marius Mercator pag. 171 :

Synodo congregata in Ephesiorum metropoli et sedentibus in Episcopio rev. et rel. episcopi Memnonis sanctissimis et Deo dilectissimis Episcopis, etc.

Vide Ἐπισϰοπεῖον in Glossario mediæ Græcitatis.