ESCAETOR, Glossarium mediae et infimae latinitatis, Du Cange et al.

« Escaetor » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 295a. http://ducange.enc.sorbonne.fr/ESCAETOR

ESCAETOR, Eschaetor, Magistratus apud Anglos, cujus munus erat, res in fiscum Principis quolibet jure redactas in Provinciis diligenter exquirere et colligere : Escheators, vulgo. Articuli Episcoporum Angliæ in Additam. ad Matth. Paris :

In tantum jam crevit malitia, quod Escaetores non ad bona Abbatum et Priorum usui decedentium deputata, manus extendunt, verum etiam ad blada instaurata, etc.

Will. Thorn. ann. 1306 :

Walterus de Glocestr. Eschaetor.

Idem ann. 1316. in Charta Edward. II :

Ita quod nullus Escaetor, seu alius minister noster... se intromittat.

Vide eumdem ann. 1363. Monast. Angl. tom. 1. pag. 48. Concil. Lambethense ann. 1261. cap. de Custodia Eccles. Edw. Cokum ad Littletonem sect. 4. Fletam lib. 1. cap. 20. § 60. Prynneum in Libertatib. Angl. tom. 2. pag. 978. etc. In Charta Gallica apud eumdem Thorn. ann. 1388 :

Eschetour

. Ejusmodi erant

Cæsariani, qui bona ad Principem devoluta veluti vacantia occupabant

, in leg. 2. Cod. Th. de Bonis vacantib. (10, 8.)

◊ Habent, ait Spelmannus, vel potius habuere, Magnates aliquot hujusmodi Officialem : suum autem Rex in unoquoque Comitatu Angliæ, qui a Magno Thesaurario annuatim constitutus, fisco militat et piscatur, exacto vero ministerii sui anno, iterum infra triennium non ad idem recipiatur exequendum. Stat. Henrici VIII. cap. 8. et ann. 3. ejusd. cap. 2. Vide Kennettum in Glossario ad calcem Antiquit. Ambrosden.

Escaetria, Officium Escaetoris, in veteri magna Charta fol. 160. 161. etc.

Subescaetor, Locum tenens ac Vicarius Escaetoris, in Fleta lib. 1. cap. 20. § 60. et apud Gul. Prynneum in Libertatibus Eccl. Anglic. tom. 3. pag. 847. Eschetours et Dessouth-Eschetours, apud Britton. cap. 21.