ESSENTIA 1, Glossarium mediae et infimae latinitatis, Du Cange et al.

« 1 essentia » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 315a. http://ducange.enc.sorbonne.fr/ESSENTIA1

1. ESSENTIA, Substantia, subsistentia : vox Scholasticis et Philosophis non hodiernis duntaxat familiaris, sed et veteribus. Quintilianus lib. 3. cap. 7 :

Οὐσίαν, quam Flavius Essentiam vocat : neque sane aliud est ejus nomen Latinum.

Adde eumdem lib. 2. cap. 15. S. Hilarius in fragm. pag. 34 :

Essentia ex eo, quod semper est, nuncupatur : quæ quia extrinsecus opis ad continendam se nunquam eguerit, et substantia dicitur, quod intra se id, quod semper est, et in æternitatis suæ virtutem subsistat.

S. Augustinus lib. 2. de Morib. Manichæorum cap. 2 :

Itaque ut nos jam novo nomine ab eo, quod est esse, vocamus Essentiam, quam plerumque substantiam etiam nominamus.

Id vocabuli Ciceroni asseruisse Senecam observavit Muretus lib. 5. Variar. utitur etiam Sidonius in Epithal. Polemii.

ESSENNUM 2. ESSENTIA © École des chartes.

« 2 essentia » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 315a. http://ducange.enc.sorbonne.fr/ESSENTIA2

2. ESSENTIA, Status, Conditio. Gasp. Barthii Glossarium ex Hist. Palæst. Baldrici Dolensis : Postquam vero fuerunt Turci edocti de nostra Essentia, cœperunt paulatim urbe exire, nostros peregrinos undique coangustare, non solum ex una parte ; sed undique erant latentes obviam a nobis a mare et ad montaneam. Vide Esse 1.

1. ESSENTIA 3. ESSENTIA © École des chartes.

« 3 essentia » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 315a. http://ducange.enc.sorbonne.fr/ESSENTIA3

3. ESSENTIA, Possessio. Henric. Huntindon. de Contempu mundi, apud Acherium Spicil. tom. 8. pag. 182 :

Nescio quid magis afferebat ei certa spes in futurum regnandi, quam patri suo ipsa Essentia regni, quia patri magnum regnandi spatium jam præterierat.

2. ESSENTIA 4. ESSENTIA © École des chartes.

« 4 essentia » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 315a. http://ducange.enc.sorbonne.fr/ESSENTIA4

4. ESSENTIA, Usus, jus utendi. Charta W. Mermerel milit. ann. 1226. ex Tabul. Fossat. :

Concessi etiam eis (monachis) Essentiam tocius terræ meæ apud Bonolium, quittantes eis quicquid solebant mihi dare pro herbagio.

Forte pro Esentia. Vide in Aisantia.

« 5 essentia » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 315a. http://ducange.enc.sorbonne.fr/ESSENTIA5

5. ESSENTIA, Existentia, qua res actu existit, ratio existendi. Testam. cardin. Talayr. de Petragor. ann. 1360. ex Cod. reg. 4223. fol. 110. r°. :

Salubri meditatione pensantes quod præsentis vitæ conditio statum habet instabilem, et ea quæ visibiliter habent Essentiam, tendunt visibiliter ad non esse, etc.

Occurrit etiam inter Instr. tom. 6. Gall. Christ. col. 459. Arest. ann. 1414. 12. Maii in vol. 11. arestor. parlam. Paris. :

Optio quoque hujuscemodi locum habebat,... quando in uno batello seu una navi xix. dolia seu peciæ vino plenæ ejusdem formæ seu Essentiæ, qualitatis existebant, et ad unum solum mercatorem pertinebant.