ESTAULAGIUM, Præstatio pro Staulis seu stallis, pro jure scilicet ea habendi in foris et mercatis, nostris etiam Estaulaige. Vide Staulus 2. Charta ann. 1270. in Chartul. eccl. Lingon. ex Cod. reg. 5188. fol. 145. r°. :

Dicti homines capituli et canonicorum de civitate et burgo et suburbio Lingonensi eodem modo solvent ventam et Estaulagium, sicut et homines nostri de civitate et burgo et suburbio Lingonensi ;... et si contingat nos vel successores nostros hominibus nostris vendere Estaulagium, promittimus et tenemur bona fide pro nobis et successoribus nostris, qui pro tempore fuerint, vendere prædictis hominibus eodem modo sicut nostris.

Libert. villæ de Grancey ann. 1348. tom. 9. Ordinat. reg. Franc. pag. 160. art. 3 :

Octroyons qu'ilz soient... franc et quitte d'Estaulaiges, d'esminaige et de toutes vantes des choses vendues et eschetées par leur.

Vide supra Estalagium.