EVECTIO, Glossarium mediae et infimae latinitatis, Du Cange et al.

« Evectio » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 330a. http://ducange.enc.sorbonne.fr/EVECTIO

EVECTIO, Diploma, codicillus, libellus, quo cursu publico utendi facultas datur. Gloss. Gr. Lat. : Σύνθημα, sigillum, evectio. Alibi : Ἐϰϰομιδὴ πράγματος, Evectio, exportatio. Nestorius Patr. CP. contra Pelagianos apud Marium Mercatorem pag. 130 :

Evectionem regiam non habentes, cursu regali iter quo pacto conficient ?

Theodericus Rex apud Senatorem lib. 5. Ep. 5. :

Ut sive Gothus sit, aut Romanus, qui sine nostra, vel eorum, quorum interest, Evectione vere dum præsumit attingere, per unum equum centum statim solidos a te cogatur exolvere.

Idem lib. 6. Ep. 3. Præfectorum Prætorio muneris fuisse innuit Evectiones dare. Passim in Cod. Theod. et Justin. tit. De cursu public. de Munerariis, De Commeatu, etc. apud Symmachum lib. 1. Epist. 6. lib. 4. Ep. 48. lib. 7. Ep. 95. lib. 9. Ep. 20. S. Augustinum lib. 5. Confess. cap. 13. et Ep. 55. Serm. de Temp. 180. B. Hieron. in Hilarione, Gregorium Tur. lib. 9. Hist. cap. 9. Marculfum lib. 1. form. 11. Sulpitium Severum lib. 2. Hist. Paulinum lib. 4. de Mirac. S. Martini, Sidon. lib. 5. Ep. 20. etc. Exstat præterea formula istius Evectionis apud S. Athanasium Apologia 2. de fuga sua pag. 787. eumdem vide in Epist. ad Solitar. pag. 821. Hinc

Evectio, pro ipsis Equis, seu Equitaturis, ubi de visitationibus Episcoporum et Archidiaconorum, etc. in Statutis Hugonis V. Abbatis Cluniac. pag. 1467. Bibl. Cluniac. in Concilio Toletano VII. can. 4. Lateranensi III. sub Alexandro III. can. 4. Lateranensi IV. sub Innocentio III. can. 11. 33. Albiensi ann. 1254. can. 58. Viennensi ann. 1267. can. 2. Londinensi ann. 1268. cap. 19. Synodo Santonensi ann. 1282. can. 4. (ubi Concilium Sarisberiense ann. 1217. can. 77. habet equos :) apud Stephanum Tornac. Epist. 130. 690. in veteri Charta apud Jacob. Petitum post Pœnitentiale Theodori pag. 685. etc.

Evectio Navalis, apud Victorem Vitensem lib. 3. de Persecut. Vandal. pag. 42. pro ipsis navibus :

Omnis simul civitas Evectione Navali de proximo confugit.

Fredegar. ann. 767 :

Inde Navali Evectione per Ligerim fluvium usque ad Sellus castrum... pervenit.

Evectiuncula, apud Paulum Diacon. Emeritensem lib. de Episc. Emerit. in S. Masona cap. 10. ubi perperam editum, Eventiunculis. Vide Synthema.