EVEGERE, pro Evehere. Gall. Voiturer. Charta ann. 869. apud Murator. tom. 1. Antiq. Ital. med. ævi col. 721 :

Et ipso nostro grano vel vino redditum quamque exenia et operas... studere et triturare, atque Evegere facere, dare et consignare debeamus.

Alia ann. 957. ibid. tom. 3. col. 719 :

Illi vero, qui de villa Lemonta videntur esse, non debent olivas premere, nec ligna ad ipsas olivas dare, nec Evegere ipsum oleum, sed tantum debent omnes colligere, et vasa eorum ad utilitatem prædictæ olivæ, quantum opus est, debent dare, seu et simul omnes debent ceteri adjuvare ad incaricandum, prout necesse fuerit.

Vide Evectio.