Exarchi Italiæ, vel Ravennæ, qui ab Imperatoribus CPolit. in Italiam cum Imperio mittebantur. Quorum ea erat potestas,

ut ministerium Imperialis fastigii peregisse

in Italia dicantur in Diurno Romano cap. 2. tit. 4. Horum passim meminerunt Gregor. M. lib. 1. Epist. 32. Anastasius Bibl. in Vitis PP. pag. 47. 49. 50. 59. 60. 63. 66. 69. 70. 72. 77. 83. 107. Leo Ost. in Chronico Casin. Horum præterea seriem habes apud Hieron. Rubeum et Scaligerum in Canonib. Isagogicis pag. 155. Vide Catapanus, et Glossar. mediæ Græcitatis. Dicitur etiam Præfectus. Vide Savin. Histor. Jur. Roman. med. tempor. tom. 1. § 113. not. g.

Exarchatus Ravennæ a Pipino Ecclesiæ Romanæ concessus. Anastas. in Stephano III. PP. Paul. Diac. lib. 6. Hist. Longob. cap. 61. Annal. Francor. ann. 756. etc.

Exarchus Africæ. Apud Gregor. M. Ep. 59. et 72. libri 1. inscriptæ sunt, Gennadio Patricio et Exarcho Africæ.

Exarchus, Dignitas, ut videtur, militaris, in vet. Inscript. apud Gruter. 528. 7.

Exarchi dicuntur Pipinus et Carolus Martellus Majores domus, non semel in Chronico Fontanellensi cap. 2. 3. 9.

Exarchus Dioeceseos, Dignitas Ecclesiast. quæ Patriarchica minor, major vero Metropolitana erat, uti pluribus probant Justellus ad Canones Eccl. universæ. Morinus lib. 1. Exercit. cap. 15. Sirmondus in propemptico cap. 3. Allatius de Consensu Ecclesiæ lib. 1. cap. 8. Meursius, Ludovicus Thomassinus, etc. Vide Notitiam Græcam post Codinum Goari pag. 406. et Joannem Cameniatam de Excidio Thessalon. cap. 30. Nicolaus. I. PP. Epist. 8. ad Michaelem Imp. :

Porro scripsit nobis Imperium vestrum, ut Theognostum, qui a fratre et Coepiscopo nostro Ignatio super quasdam provincias Exarchatus pondus suscepisse dignoscitur, etc.

Exarchus, Dignitas in Ecclesia CPolitana apud Codinum de offic. cap. 1. n. 41. de qua Gretzerus et Goarus ad eumdem pag. 15. 176.

Exarchi Monasteriorum, in Novella Justiniani 135. cap. 4.

Exarchontes. Ex Liutprandi Legat. habet Cangius in Glossar. med. Græcit. Append. col. 70. voce Ἐξαρχόντης. Haud multo post magistro Exarchontæ accurrunt.

Exarchum Regni Burgundiæ,

et summum Principem Consilii sui, et in omnibus faciendis agendisque suis præcipuum

, Heraclium Archiep. Lugd. instituit Fridericus I. Imp. Bulla sua aurea anni 1157. quam descripsit Paradinus lib. 2. cap. 35. et Auctores novæ Gall. Christ. tom. 4. Instrum. col. 17. Idem Imp. eamd. dignitatem contulit Johanni de Belles mains Heraclii successori Præcepto ann. 1184. quod refert Menesterius inter Probat. Hist. Lugdun. pag. 35. col. 1.