EXCEPTOR, Notarius, amanuensis, qui acta judiciorum describit, judicis sententiam excipit. Glossæ Isonis Magistri ad Prudentium : Scribas, Exceptores, qui dicta judicis et responsa Martyris excipiebant. Collatio 1. Carthagin. cap. 10 :

Qui Excipiendi funguntur officio.

Jul. Firmicus lib. 3 : Seu scribas vel Exceptores, etc. Ennodius in Vita S. Epiphanii Episc. Ticinensis :

Notarum in scribendo compendia, et figuras varias verborum multitudinem comprehendentes brevi assecutus, in Exceptorum numero dedicatus enituit.

In Ecclesia B. Laurent. Mart. Romæ :

Hinc pater Exceptor, Lector, Levita, Sacerdos.

Vetus Inscriptio :

Exceptor Præsidis Provinciæ

. Auctor Homiliæ de Natali S. Genesii :

Cum secretus adhuc Dei famulus in Exceptorum ordine militaret,... piam dexteram ab excipiendo..... temperavit.

Acta SS. Tergeminorum n. 19 :

Neon autem Exceptor, qui ipsa gesta scripsit.

Petr. Diac. lib. 4. Chr. Casin. cap. 66 :

Logothetam, Exceptorem et Auditorem Imperii illum constituit.

S. Augustin. Ep. 108 :

Si enim notarius non mendose Excipit, aut scripsit.

Et 110 :

A notariis Ecclesiæ Excipiuntur quæ dicimus.

Vide eumdem lib. 3. contra Crescon. cap. 29. Collat. 1. Carthag. cap. 1. Concilium Calchedon. act. 1. pag. 96. 117. edit. 1618. et S. Eulogium lib. 3. Memorial. Sanctorum cap. 2. et 15. Occurrit passim in Notit. Imp. in Cod. Theod. et Justin. etc. Vide Savin. Histor. Jur. roman. med. temp. tom. 1. cap. 2. § 16. et Cramer. Supplem. ad Brisson. pag. 22. not. 8.