EXCIPIUM. Isidorus lib. 18. cap. 7 : Venabula dicta sunt quasi venatui habilia. Excipia, quia venientem excipiunt, quasi Excipiabula, excipiunt enim apros, etc. Respexit illud Martialis in Apophoretis Epigram. 30 :

Excipient apros, expectabuntque leones,

  Intrabunt ursos, sit modo firma manus.

Ubi Excipere artis venatoriæ est vocabulum. Gratius in Cynegetico :

Ille etiam valido primus venabula dente

Induit, et proni moderatus vulneris iram,

Omne moris Excepit onus.

At auctor Gloss. Arabico-Lat. et idem Isidorus in Glossis ut et Gloss. Sangerm. n. 501. videntur legere Excipulum, aiuntque venabulum ita appellasse veteres. Gloss. Lat. Sangerman. MS. : Excipulum, Espie à bouter contre le port Sanglier.