EXCIPULUM, Ἐϰδοχεῖον, in Gloss. Gr. Lat. Plinius lib. 25. cap. 7 :

Incisæ conto (herbæ) subditis Excipulis, ventriculo hædino, humor lactis videtur effluere ;

ubi intelligit vasculum, quo liquor excipitur, ne effluat ; sed lib. 9. cap. 22. de anguillis Benaci lacus et Mincii fluvii, fossam intelligit vel instrumentum quoddam, quo pisces excipiuntur :

Hiemato, inquit lacu, fluctibus glomeratæ volvuntur, in tantum mirabili multitudine, ut in Excipulis ejus fluminis ob hoc ipsum fabricatis, singulorum millium globi reperiantur

. Vide Excipium.