EXTALLIUM, Extallum, Prædium seu villa alteri elocata ad certum tempus, sub præstatione annua vel annonaria, vel rerum ad victum necessariarum, vel denique pecuniaria, idem quod Firma 3. Charta ann. 1286. tom. 1. Hist. Cassin. pag. 88. col. 2 :

In Extallium concedimus, damus et tradimus tibi Johanni... subhastatione præmissa, plus exinde offerenti omnes terras, possessiones, et jura, et proventus prædicti nostri monasterii (S. Bened. de Teano)... Convenimus tamen tibi quod si infra prædictum tempus qui Extallii (quinque scilicet annorum) discensionum scandalum seu guerrarum emergerit, vel tempestatem aeris ingentem adeo venire contingerit, quod prædictum Extallium in partem vel totum tu, vel tui hæredes percipere non possetis,... liceat tibi... dictum Extallium tenere et percipere, quamdiu vobis fuerit de toto prædicto dampno... integre satisfactum.

Formul. MS. Instr. fol. 34. v°. :

Discretus vir N. canonicus Pictavensis vendidit, dedit et concessit in Extallum seu ad firmam... omnes et singulos fructus, reditus et proventus præbendæ et beneficiorum, quæ optinet in civitate et diocesi Pictavensi.

Vide Extalium.