FAISIO, Fasio Fazio, Prædium rusticum, mansus, ager, idem quod Fazenda. Charta ann. 1343. in Reg. 74. Chartoph. reg. ch. 514 :

Cum mansis, capmansis, bordariis, tenutis, Faisionibus, affariis, etc.

Compromis. inter Guill. de Gorsol. et Guill. de Brolio ann. 1341. ex Tabul. Flamar. :

Cum esset controversia inter nos de et super quibusdam Fasionibus, vocatis de Janval et deus cloptz, quæ ego dictus domicellus asserebam et dicebam ad me pertinere et deberi exinde plures redditus.

Charta ann. 1477. pro prior. de Mauzan. in Pago infer. Lemov. :

Prænominati vero de Meynia, pro se et suis nomine prædicto,... recognoverunt... se tenere a prædicto domino priore præsente,... videlicet mansos seu Fasiones de Meynia, de Palissas, de la Chevalerie, de la Durantie, de la Font, de la Coste, de Puerasis, medietatem de la Joufrerie, et tertiam partem de Rusac, nec non etiam et molendinum dicti prioratus de Mauzanis : et ratione eorumdem mansorum, Fasionum et molendini superius nominatorum, sibi debere anno quolibet et perpetuo de perpetuo censu seu reditu, ac teneri solvere quinquaginta solidos monetæ currentis, decem sextaria siliginis, novem sextaria avenæ, novem sextaria frumenti mensuræ Treinhaci (Treignac) novem jornalia hominis, novem gallinas et agrearium.

Ibidem :

Mansos et Fasiones.

Rursus :

Mansos sive Fasiones.

Alia ann. 1328. in Reg. 3. Armor. gener. part. 1 :

Quictavit... domos, ortos, ayralia, terras et Faziones prædictos.

Vendit. vicecom. Turen. ann. 1350. in Reg. 80. Chartoph. reg. ch. 156 :

Cum... mansis, camansis, bordariis, tenementis, Fazionibus et auffariis, etc.

Vide supra Affazio.