FAMEN, Sermo, verbum. Onomast. : Famen, φάτις, βάξις. Gloss. Lat. Gall. Sangerm. : Famen, Locution, parole. Abbo lib. 2. de Obsid. Paris. vers. 144 :

Almis Faminibus sospes procedit egrotus.

Ælnotus in Vita S. Canuti in Proœmio :

Obstructas aperit aures et Famina reddit.

Henricus Rosla in Herlingsberga :

... Collectas Famine tali

Compellat turmas, etc.

Andreas Capellanus in Eroticis :

Præterea mendacibus non debet uti Faminibus, sed et cavere, ne sermone minus effuso utatur.

Anastasius Biblioth. in Præfat. ad Sermonem Theodori Studitæ de S. Bartholomæo :

Opuscula nonnulla composuit, inter quæ et sermonem hunc de B. Bartholomæo satis utilem, obscuris dictionibus... Græco edidit Famine, etc.

Utitur Henricus Altisiodor. lib. 3. v. 19. lib. 4. v. 11. 31. 298. lib. 5. v. 133. Dudo de Actis Norm. Orderic. Vital. lib. 3. Will. Brito lib. 2. v. 404. 589. lib. 8. v. 631. lib. 9. v. 33. etc. Thietmar. lib. 2. vers. 6 :

... Cunctos quos vicerat iste superbos

Famine divino, etc.

Adde lib. 2. cap. 21. etc.