FATICA, Concessio vel locatio officii alicujus ad diuturnum tempus, puta in emphyteusim ; vel id quod præter pretium corollarii vice in ejusmodi locationibus conceditur, vulgo Pot de vin. Vide infra Fatiga 2. Constit. capit. eccl. Barchin. ann. 1423. rubr. 18. ex Cod. reg. 4332 :

Nullatenus..... promittendo secrete, seu alio quocumque quæsito colore aliquam spem, de Fatica concedant, vel de eadem spem dent modo aliquo, quousque instrumentum contractus ejusdem fuerit præsentatum.

Exstat alia notione in Fatigare 1.