« »
 
FELLO 1, FELLO 2.
[]« 1 fello » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 428a. http://ducange.enc.sorbonne.fr/FELLO1
1. FELLO, Strumæ. Miracula S. Etheldredæ inter Acta SS. Junii tom. 4. pag. 549 :
Morbus quem vulgo Fellonem nuncupant, felle suo viroso me miserum graviter occupavit, occupatum perflavit, ut tumor ille letalis undique porrigeretur, dextro et in sinistro humero, dorso et pectori utris instar superemineret, et ab humano mento quasi palearia penderent. Veneni quidem vis intrinseca, cutis livore forinseco satis notabatur ... arterias gutturis et colli vias coarctavit, neque voci neque cibo meatum reliquit.
© École des chartes.
[]« 2 fello » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 428a. http://ducange.enc.sorbonne.fr/FELLO2
2. FELLO, Felo, Perfidus, rebellis ; Lindwodo, Edw. Coko, et Anglis, omnis malefactor, cui debetur pœna mortis, Gallis Felon, Italis Fellone. Ex Saxon. fælen, et felen, et Theutonico Fælen, delinquere, errare, cadere. Hickesio in Grammat. Theotisc. pag. 94. ab Anglo-Saxonico Felle, Crudelis, unde Anglicum Fell. Assentit Schilterus in Gloss. Teuton. Alii vocis originem arcessunt a Latino Fel, quod qui crimina perpetrant, ea felleo animo perpetrare dicuntur. Alii a Græco φήλειν, Decipere, illudere : quod a φήληξ, Ficus immatura, præ se tamen ferens speciem maturitatis ; unde φήληξ Impostor, Suidæ Quidam Feloniam dictam scripserunt, quasi falloniam, a fallendo. A Fara, Dolus, fraus, deducit Haltaus. Gloss. Germ. col. 435. voce Far. Capitula Caroli Calvi tit. 23. cap. ult. Epistol. Episc. ann. 858. :
Non tibi sit curæ, Rex, quæ tibi referunt illi Fellones atque ignobiles.
Ratherius Veron. Episc. in Qualitate conjectur. :
Quod sic vellet eum (castrum) tenere pro suo gratu, sicut pro uno Fellone, quia per donum Imperatoris... illud, cum mentiretur, teneret.
Infra :
Cum nemo possit ferre, ut malum audiat aliquem dicere de suo seniore, nisi qui maximus Fello convincitur esse.
Domnizo lib. 1. de Vita Mathildis cap. 1 :
Damnant Fellones, cruciant furcisque latrones.
Vide Regiam Majest. lib. 2. cap. 56. lib. 4. cap. 12. Quoniam Attach. cap. 18. Littleton. sect. 745. Walsinghamum pag. 278.
◊ Catalla felonum, inter prærogativas altæ Justitiæ recensentur in Monastico Anglic. tom. 1. pag. 143. 767. etc.
Felo de se, JC. et Practicis dicitur is, qui sibi ipsi mortem sponte consciscit : is successorem non habet in Catallis præter fiscum. Vide Bractonum lib. 3. tract. 2. cap. 31. § 1. et Cowell. lib. 2. tit. 12. § 4. lib. 4. tit. 18. § 16.
Felonia, inquit Cowellus,
est omne crimen capitale, infra læsam majestatem
, ut sunt incendia, raptus, homicidia, latrocinia, et hujusmodi, quæ vitæ dispendio luuntur, cum ea olim delicta wera, seu pecunia redimerentur. Sed id [] sustulit Henricus I. Rex Angl. sub ann. 1108. suspendio furibus damnatis, ut habent Florentius Wigorniensis, et Hovedenus, hoc anno. Matth. Westmonast. ann. 842 :
Theodulphus Aurelianus Episcopus apud Ludovicum Imp.... Feloniæ a quibusdam æmulis suis accusatus.
Nostris
Felonia proprie dicitur Delictum vassali in dominum : qua notione passim usurpatur in Consuetudinibus municipalibus. Vide Raguellum. Hostiensis :
Felonia est culpa seu injuria, propter quam vassallus amittit feudum.
Leges Henrici I. Regis Angl. cap. 43 :
Qui Feloniam fecerit, terram suam foris fecit.
Plura vide apud auctores jur. feudal ; unum locum addam II. Feud. tit. 26. § 24 :
Domino committente Feloniam, ut ita dicam, per quam vasallus amitteret feudum.... proprietatem feudi ad vasallum pertinere, sive peccaverit in vasallum, sive in alium.
les Bénédictins de St. Maur, 1733–1736.
Felonia, Felonum seu perfidorum et rebellium bona. Kennettus in Glossar. ad calcem Antiquit. Ambrosden. : Cum messuagiis, gardinis, ædificiis, Feloniis, eschaetis, etc.
les Bénédictins de St. Maur, 1733–1736.
Felonia, Perfidia. Codex Legum Normannicarum apud Ludewig. tom. 7. pag. 284 :
Assaltavit in Felonia et verberavit me et michi plagam fecit.
Hoc est, imparatum me aggressus est.
P. Carpentier, 1766.
◊ Fraus, dolus : quo sensu occurrit in Stat. apud D. de Chastueil Gallaust in Hist. Ms. Poet. Provinc. :
L'engan et la Felonia
Que mou la falsa Clergia.
les Bénédictins de St. Maur, 1733–1736.
Felonice, pro Perfide. Charta Eduardi II. Regis Angliæ ann. 1322. apud Rymer. tom. 3. pag. 939 :
Et quosdam Felonice interfecerunt ... ignem in prædicta villa de Britton posuerunt, et partem domorum et bonorum ibidem Felonice combusserunt.
les Bénédictins de St. Maur, 1733–1736.
Felonice, Occulte, fraudulenter. Charta ejusd. Eduardi ann. 1323. apud Rymer. tom. 4. pag. 7 :
Quia Rogerus de Mortuo-Mari ... eandem prisonam fregit, et ab eadem turri noctanter et Felonice evasit.
P. Carpentier, 1766.
◊ Aliud sonat Félonneusement, Fortiter nempe, cum impetu, in Poem. de Giron le Courtois :
Se hurte encontre le chevalier si Félonneusement, qu'il lui convint vuyder les arçons et tomber à terre moult rudement.
Hinc Renfélonir la guerre, Bellum acerbius gerere, in Lit. remiss. ann. 1379. ex Reg. 115. Chartoph. reg. ch. 291 :
Lequel Gillebert fu mis à mort ; et pour ce que ledit sire de Morbecque avoit esté à ce,... Renféloni la guerre, dont dessus est faite mention.
P. Carpentier, 1766.
◊ Felenesse gent appellatur Judæorum populus, in Vita J. C. MS :
Ensi l'encusoient forment
Icele Felenesse gent.
P. Carpentier, 1766.
◊ Haud scio an inde, an potius a Latino Fel, quo ad iracundiam facile accendimur, Affelonner et Affelonnir, pro Irasci, olim diximus. Lit. remiss. ann. 1383. in Reg. 124. Chartoph. reg. ch. 126 :
Huguenin.... bien Affellonnez, ce sembloit, se adreça pardevers ledit Tuebuef, et leva le baston en haut pour le frapper.
Aliæ ann. 1387. in Reg. 131. ch. 15 :
Guillaume Bolerin fu moult courrouciez et Affelonnis.
Aliæ ann. 1396. in Reg. 149. ch. 330 :
Ledit Jehan se Affélonnissoit toujours en menassant ledit Huguenin d'attrapper et adherdre aus mains, etc. Affollonir,
in aliis ann. 1393. ex Reg. 145. ch. 410 :
Lequel Raoul quant il se vit ainsi villené et desmenti,[] comme couroucé et Affolloni se départi d'icelle place. Enfélonnir,
eadem acceptione. Lit. remiss. ann. 1385. ex Reg. 127. ch. 137 :
Colin le tamisier dist auxdiz hommes armez, qui veoit Enfélonnir et demener oultrageusement, etc.
Aliæ ann. 1413. in Reg. 167. ch. 142 :
Le suppliant se apperceu que icellui Nicaise par trop avoir beu ou autrement se Enfélonnissoit. Enfélonner,
apud Froissart. vol. 2. cap. 41.
© École des chartes.