FERLA, Glossarium mediae et infimae latinitatis, Du Cange et al.

« Ferla » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 439c. http://ducange.enc.sorbonne.fr/FERLA

FERLA, pro Ferula, Scipio quo senes et infirmi solent uti, Fulcrum axillare, Gall. Bequille : quæ vox hoc significatu non a Feriendo, sed a Ferendo derivari videtur. Vita B. Jacobi Veneti, Maii tom. 7. pag. 473 :

Non poterat solus incedere, nisi quibusdam ligneis fulcimentis, quas Ferlas vocant, fultus.

Miracula B. Simonis, April. tom. 2. pag. 720 :

Quod erat claudus pede dextro, ita quod ire non poterat sine Ferla.

Rursus occurrit pag. 724. Ferla vacua, hoc est, Ferula pura, nulla cuspide præmunita, in hoc Jacobi Cardinalis carmine de Coronatione Bonifacii VIII. inter Acta SS. Maii tom. 4. pag. 470 :

.... Vacuas gestantes pollice Ferlas,

Diffusas repetunt acies, illasque recursant

Sæpius, etc.

P. Carpentier, 1766.

◊ Glossar. Provinc. Lat. ex Cod. reg. 7657 : Ferla, Prov. ferula, herba valde calida. Ferlada, Prov. ferulentum, ferularium.