FERLETUM et Ferletus, Laternæ vel lampadis genus. Ordo eccl. Ambros. Mediol. ann. circ. 1130. apud Murator. tom. 4. Antiq. Ital. med. ævi col. 895 :

Ebdomadarius, sonito signo tubæ ad matutinum, debet portare in secretarium de ecclesia æstiva unum Ferletum plenum oleo, accensum, ut lectores videant quidquid in obscuro matutino dicendum est. Et istud Ferletum debet esse illius lectoris, qui in postremo indicaverit officium.

Ibid. col. 906 :

Ideo minores præparant Ferletos et phialas, ita ut subdiaconi possint eas accendere in matutinis.

Rursum col. 908 :

In prima turma accendunt Ferletos, qui stant in parietibus.