1. FICHA, Canalis, ut videtur, palis munitus, unde nomen, per quem aqua decurrit. Charta Gaufr. episc. Meld. ann. 1211. in Chartul. Campan. fol. 175. col. 1 :

De stagno diximus, scilicet de piscatione stagni, quod abbas potest facere piscari ibi, quando venit Nogentum... De Ficha aquæ diximus, quod debet requiri licentia a domino Nogenti et a monacho B. Dionysii, qui tenebit domum de Alno.

Stat. Taurini ann. 1360. cap. 153. ex Cod. reg. 4622. A :

Nullus de cætero audeat vel præsumat deviare vel deviari facere per se vel per alium aquam bealeræ, cloachæ decurrentem in Ficha seu bicoca magnæ Duriæ.