« »
 
[]« Fidejussores tollere » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 486a. http://ducange.enc.sorbonne.fr/FIDEJUSSORES
FIDEJUSSORES Tollere dicebatur judex, qui in jus vocatum, aut accusatum de aliquo crimine, vadem dare ad dictam diem juri se stiturum, cogebat. Vita S. Præjecti Episc. et Mart. cap. 3 :
Obtinuitque cum Principe, ut Missos ex latere dirigeret, qui eum per Fidejussores nuntiarent, et in aula Regis facerent præsentari.
Mox :
Et quomodo per Fidejussores venisset, explicitus depromit.
Vetus Notitia apud Perardum in Burgundicis pag. 35 :
Dedit Maurinus Fidejussorem nomine Autardo, de sua præsentia. Per Fidejussores ad præsentiam Regis deduci,
in Capitul. Caroli M. lib. 3. cap. 34. in Capitul. Caroli C. tit. 12. [] cap. 1. 4. 5. 7. tit. 20. cap. 6. tit. 29. cap. 3. tit. 31. cap. 23. tit. 39. cap. 4.
Per Fidejussores ad palatium Regis venire
, in Capitul. Caroli M. lib. 5. cap. 43. 147. 98. 278.
Per Fidejussores ad placitum Regis venire
, in Addit. 4. Lud. Imp. cap. 72. in Capitul. Caroli C. tit. 32. cap. 3.
Sub Fidejussione ad palatium venire, compelli
, in Addit. 4. Lud. Imp. cap. 77.
Per Fidejussores mitti ad præsentiam Regis
, in Addit. 4. Lud. Imp. cap. 76.
Per Fidejussores constringere, ut reveniat ad palatium
, in Capitul. Caroli C. tit. 39. cap. 1.
Per Fidejussores ad mallum adduci
, in Capitul. Car. C. tit. 39. cap. 3. Epist. 69. inter Francicas tom. 1. Hist. Franc. :
Non aliter fiat, nisi in placito, quod vobis supra scriptus Pontifex denuntiaverit, memorato Diacono vestro per Fidejussores una cum indiculo vestro ante parvitatem nostram faciatis venire.
Adde Joannem VIII. PP. Epist. 228. Leges Guillelmi Nothi :
Omnis homo, qui voluerit se teneri pro libero, sit in plegio, ut plegius eum habeat ad justitiam, si quid offenderit : et si quisquam evaserit, talium videant plegii, ut solvant, quod calumniatum est, etc.
Ejusmodi Fidejussorum mentio est apud Gregorium Turon. lib. 4. Hist. cap. 43. lib. 8. cap. 7. 12. 43. lib. 9. cap. 8. in Concilio Metensi ann. 753. cap. 1. etc. Hinc Pignerari dicuntur rei, seu in jus vocati. Conventus Ticinensis ann. 853. cap. 3 :
De liberis hominibus, qui... contra legem ad placita protrahuntur, et ideo Pignerabantur, constitutum est, ut secundum legem patroni eorum eos ad placitum adducant, et si quis contra hanc nostram auctoritatem, et eorum legem Pignerare aut distringere præsumpserit, etc.
Quod si reus Fidejussores non haberet, in custodia servabatur, ut est in Capitulari Pipini Regis Italiæ cap. 36.
◊ Occurrit autem passim hæc formula in privilegiis et immunitatibus Ecclesiis concessis, qua judices vetantur in eorum terris,
ad audiendas altercationes ingredi, Freda de quibuslibet causis exigere, aut mansiones vel paratas tollere
, ut apud Marculfum lib. 1. form. 3. 27. 28. etc. Quo verborum circuitu nihil aliud intelligitur, quam ut judex in terris, in quibus immunitas concessa est, jus non dicat, aut justitiam non exerceat. Charta Caroli Simplicis apud Sammarthanos in Archiep. Narbon. :
Quod in sua parochia... gravissima increverit consuetudo, de eo, quod Comites atque judices, ceu ministri illorum, Sacerdotes Domini, sive reliquos Ecclesiæ ministros ad placitum suum violenter ducere, et Fidejussores tollere, atque eos more Laicorum distringere præsumant.
les Bénédictins de St. Maur, 1733–1736.
◊ Fidejussores etiam debitoribus suis dabant creditores, ut pignora scilicet quæ illi dederant, tutius recipere possent. Id patet ex Legibus Luithprandi Regis apud Murator. tom. 1. part. 2. pag. 76. col. 2 :
Si ad guadiam suam solvendam quispiam liber homo tres Fidejussores habuerit liberos homines.
Et paulo post in veteri formula :
Petre, te appellat Martinus, quod ipse dedit tibi vadia decem solid. vi. Kal. Augusti. Vult suscipere per Fidejussores.
Luitpr. 35. sqq. (5, 7.) Vide Edict. Theodor. cap. 135. infra Obstagium et Salmanni.
Fidejussores, Testamenti executores, in Testamento Hugonis I. Episcopi Tolosani, apud Catellum in Hist. Occitana pag. 858.
Fidejussores dicti etiam patrini, apud S. Eligium in Homilia descripta tom. 5. Spicilegii Acheriani pag. 212. [] lib. 2. Capitul. cap. 46. et apud alios laudatos in Dissert. 22. ad Joinvillam pag. 275.
© École des chartes.