FILIOLITAS, Titulus honorarius, quo ut plurimum Summi Pontifices utuntur, cum ad Principes fideles scribunt, a quibus Patrum appellatione donantur. Rescriptum Episcoporum Synodi Duziacensis ad Ep. 27. Hadriani PP. :

Tradidit nobis Epistolam a vestra Paternitate Filiolitati nostræ directam.

Joan. VIII. Ep. 3. ex iis, quas Sirmondus edidit :

Nos etenim, quamvis illum, quem interim Filiolitatis amore complectimur, oppido reprehensibilem non negemus.

Idem Ep. 8. ex editis :

Quod Filiolitatis vestræ petit industria.

Joannes X. PP. Epist. ad Carolum III. Regem :

Unde hortantes vestram Filiolitatem monemus, etc.

Adde Epist. 315. Vide Filiatio 2.