FODRATURA, Pellitium, quo vestis ornatur, Gallice Fourrure, in Concilio Constantiensi ann. 1418. sess. 36. Statuta Eccl. Andegav. ann. 1423. apud Marten. tom. 4. Anecd. col. 528 :

Prohibemus quoque in et sub pœnis tam a jure quam ab homine.... pretiosiores tunicas et vestes seu Foderaturas quam quæ statui suo congruant, habere et deferre.

Vita B. Mariæ Oigniacensis tom. 4. Junii pag. 646 :

Tunicam laneam albam, cum ejusdem coloris simplici pallio, absque pellium conjunctione vel aliqua Foderatura pro indumento habebat.

Ordinatio Humberti II. de vestimentis ejus hospitii tom. 2. Hist. Dalphin. pag. 315 :

Valleti officiorum hospitii nostri induantur.... de una malacota cum capucio sine Fodratura.

Vide Foderatus et Foratura.