FORCHAGIUM, Census, qui a singulis furciis seu domibus exigitur, idem quod Foagium 1. Forchagium nuncupatum a Furcia vel Furquia, domus, mansio. Vide in hac voce. Reg. episcopat. Nivern. ann. 1287 :

Hic sunt redditus et res pertinentes ad domum de Albigniaco. Portus æstimatur x. libras, pedagium aquæ, lydæ, portoriis (sic) cum Forchagio... Forchagium, in quo prior nichil percipit, est quod quilibet bordelagius existens in villa de Albigniaco debet in vigilia Nativitatis Domini duos denarios episcopo, exceptis domibus existentibus in cimiteriis. Quælibet domus existens extra villam debet episcopo duos solidos ; et si non requiratur ista costuma in dicta vigilia, non tenentur

(eam solvere). Vide Forcagium.