FORNILIA, Fornilha, Idem quod Cremium apud Columellam ; dicitur de minutioribus lignis et vepretis siccatis calefaciendo furno, unde nomen, accommodis, Gall. Fournille. Hinc Fornilla appellata, Præstatio, quæ pro ejusmodi lignis dabatur, alia a Furnagio, quæ pensitabatur domino furni. Vide Fornilla. Inquisit. de foresta Breheval. in Reg. 34. bis Chartoph. reg. part. 2. fol. 128. r°. :

Fratres de Fresmont ceperunt per diem duas quadrigatas bosci, unam de grosso et unam de Fornilia.

Et fol. 143. v° :

Talemelarii Montis Leherici conqueruntur, quod cum prædictus Guido de Valgrinosa et hæredes ejus soleant quærere Forniliam ad furnos calefaciendos ; nunc hæredes ejusdem Guidonis compellunt ipsos talemerarios ad Forniliam quærendam.

Pactum inter dom. et habitat. Turris Ayguesii ann. 1501. ex schedis Pr. de Mazaugues :

Quod ipse dominus et successores... teneantur et debeant providere de furno et fornerio suis propriis sumptibus et expensis, et ipsi homines de lignis sive Fornilha pro calefaciendo dictum furnum pro decoquendo panes.

Redit. comitat. Hannon. ann. 1265. ex Cam. Comput. Insul. :

Et doit prendre li fourniers à celui qui quist, d'un witel un denier pour le Fournille ; et s'il voet, il puet aporter se feuwille au four.

Charta Petri de Chambliaco ann. 1307. in Reg. 44. Chartoph. reg. ch. 87 :

Item le four de Chambay, liquel a chascun an cent charretées de Fournilles prises en la forest de Gonffer.

Vide infra Fuagium et Furnilla.