1. FORTIA, Forcia, Potestas, dominatus. Leges Hen. I. Reg. Angl. cap. 86 :

Non est eis imputandum, qui tenuerint viam suam, et recedent ab illis, si per omnia se allegient, quod nec consilium eorum, vel auxilium sit in Forcia ipsa.

Sanutus lib. 3. part. 11. cap. 9 :

Redditisque captivis, sive in Fortia essent Soldani, sive ejus filii Conradini.

Et cap. 11 :

Et quod nullatenus vel seipsum ponat sub imperatoris Fortia.

Ita Cortusiorum Historia lib. 7. cap. 18. 20. Regimina Paduæ ad ann. 1317. apud Murator. tom. 8. col. 430 :

De mense Augusti accepta fuit civitas Ferrariæ de manibus tyrannorum, qui eam tenebant pro Rege Roberto... et posita fuit in Forciam et dominium dominorum Marchionum Raynaldi et Azii et Obici.

Occurrit eadem notione in Annalibus Genuensibus Bartholamæi Scribæ lib. 6. ad ann. 1242. et ad ann. 1244. etc. Charta ann. 1313. apud Lamium in Delic. erudit. inter not. ad Hist. Sicul. Bonincont. pag. 222 :

Et si quo tempore aliquis ipsorum in imperii Fortiam devenerit, sibi extremum furcis supplicium inferatur.