FRATRICELLI, Glossarium mediae et infimae latinitatis, Du Cange et al.

« Fratricelli » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 600c. http://ducange.enc.sorbonne.fr/FRATRICELLI

FRATRICELLI, qui et Fratres de paupere vita, Bizochi, et Beguini, interdum nominantur. Minoritarum secta, qui pura et candida S. Francisci Instituta sectari se jactabant, et a Cælestino V. Pontifice auctoramentum sectæ se accepisse contendebant, cujus auctor fuit Henricus Ceva, damnata non semel a Bonifacio VIII. et Joanne XXII. De hac consule Magn. Chr. Belg. ann. 1299. Odoricum Raynald. ann. 1297. num. 55. 56. 1317. n. 56. 57. 1318. n. 45. 51. 1321. num. 18. 19. 1322. n. 53. 1331. n. 4. 1334. n. 18. et Waddingum ann. 1317. num. 24. et seqq. ann. 1318. n. 21. 1322. n. 66. 1368. num. 4. ann. 1373. n. 1. et seqq. 1430. n. 30. Vide Bizochi.

P. Carpentier, 1766.

◊ Idem Fraticelli Stat. ant. Florent. lib. 3. cap. 41. ex Cod. reg. 4621 :

In ortodoxa civitate Florentiæ et ejus locis, Christiani nominis inimico procurante Satana, apparuerunt nuperrime certi Fraticelli variis nominibus interdum nuncupati ; eorum aliqui apostatæ ordinis B. Francisci aliquando Fratres Minores, aliquando Fratres della povera vita, aliquando Pauperes Evangelici, sectatores dampnatæ memoriæ Michaelis sive Michelini de Cesena, olim generalis Fratrum Minorum hæretici et de hæresi ab Ecclesia dampnati, eorum variis et pravis doctrinis seculares supplices a recta via divertentes, novas oppiniones et errores seminando, et a divinis officiis, et a perceptione sacramentorum, et ab ecclesiastica sepultura dissuadendo, oppiniones falsas et novas intra populum Christianum pullulare nitentes, inter cæteros errores Papam Johannem XXII. et cœteros, qui post ipsum summi pontifices fuerunt, non erubescentes in suarum animarum præjudicium, et secutos cardinales, asserere hæreticos, in temerariam præsumptionem audentes se solos sacerdotes, et sacramenta ecclesiastica posse conferre, et quod ad ipsos solos electio papæ et totius universalis ecclesiæ reformatio spectat ; et quod nullus verus papa deinceps dici potest, ipsique soli sunt universalis ecclesia, aliisque multis erroribus Christiani nominis culmen inficere nituntur.