FUMATICUM, Καπνιϰόν, Idem quod Foagium 1. Charta Cuonradi Regis Burgundiæ ann. 972. in Tabulario Ecclesiæ Viennensis fol. 14 :

Non teloneum in aquis, vel terris, nec redhibitionem de pascuis, nec silvaticum, nec Fumaticum, nec pulveraticum... exigere audeat.

Eadem habentur in Charta Friderici II. Imp. apud Jo. a Bosco in Vienna pag. 90. Charta ann. 1132. apud Lobinel. tom. 2. Hist. Brit. col. 236 :

Monasterium de antecessoribus nostris ita honorabiliter in beneficium tenere visus est, ut nec Comes, nec ullus ex Vicariis ejusdem regionis, nec alia prorsus aliqua persona præter ipsum habere visa sit ullam dominationem in hominibus ipsius parrochiæ distringendis, nec annonaticum, nec friscingaticum, nec Fumaticum, nec vaccaticum, nec ullam redhibitionem, nec vel ipsum bannum.

Rotulus Comput. Manerii de Harwe in Anglia :

Quilibet domum habens, de qua fumus exit.

Vide Gloss. med. Græcit. in Καπνιϰόν.