« »
 
[]« 1 gagiare » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 007c. http://ducange.enc.sorbonne.fr/GAGIARE1
1. GAGIARE, Pignerari, pignus auferre. Consuetudines Solemniac. MSS. :
Creditor qui habebit domum apud Soligniacum, poterit ibidem debitorem suum auctoritate propria Gagiare ratione debiti ibidem contracti.
Notandum hanc pignoris ablationem fieri propria creditoris auctoritate : quod consentaneum est Edicto Ludovici VI. Franc. Regis ann. 1134 :
Burgenses (Parisienses) de rebus debitorum suorum, qui de justitia nostra [] sint, ubicumque et quocumque modo poterunt, tantum capiant, unde pecuniam sibi debitam integre et plenarie habeant, et inde sibi invicem adjutores existant ; et si aliquando de rebus quorumlibet ceperint, et illi aliquid se eis debere non cognoverint, si legitime inde convinci a Burgensibus non poterunt, Burgenses nullum erga nos forisfactum incurrent, sed expensam et damnum, quæ illi propter hoc facient et habebunt, illis cum lege qua vivunt, reddent et emendabunt.
His similia leguntur in Charta ann. 1300. apud de Lauriere tom. 1. Ordinat. Reg. pag. 6 :
Si in solutione aliqua harum viginti librarum aliquo termino defici vel cessari contigerit, prædictus Capellanus auctoritate propria absque nostra vel successorum nostrorum licentia, poterit licite pro dictis viginti libris Turon... necta sibi pignora capere.
Litteræ Johannis Fr. Reg. ann. 1355. apud D. Secousse tom. 3. Ordinat. pag. 29 :
Se il étoient mis en deffaut par vertu de tels adjournemens, et l'en vouloit Gager ou executer pour cause ou occasion desdits deffaus, il n'y seroient tenu de obéir, mais se pourroient recourre et resister de fait.
Interdum Gagiare idem est quod Pignerare, pignus dare. Vide in Vadium.
les Bénédictins de St. Maur, 1733–1736.
Gagiare Emendam, Mulctam solvere, vel pro ea pignus dare. Charta ann. 1386. ex Chartulario S. Johan. Angeriac. :
Pro ipsa injuria præfatus magister Capellanus Gagiavit emendam honorabilem Dominis Abbati et Conventui.
Vide Emenda 1.
les Bénédictins de St. Maur, 1733–1736.
Gajamentum, Gajarium, Pigneratio, Gall. Gagerie. Processus Massilienses inter et Arelatenses ann. 1381. e Regesto 73. vol. 2. MSS. Peirescianorum :
Quæstio vertebatur, utrum cives Arelatenses possent marcham, sive repræsalias, seu Gajaria contra Massilienses facere, vel imponere.
Infra :
Possunt laxari seu concedi marchamenta seu Gajamenta.
P. Carpentier, 1766.
◊ Hinc Gayable, qui pignori capi potest, in Charta Joan. ducis Lothar. ann. 1382. in Chartul. eccl. Romaric. ch. 36 :
Que ladite terre ensy appartenent à ladite englise, comme dit est, ne puet, ne doit pour quecumque cause juste ou raisonnable estre Gayable, pesvissable, etc.
© École des chartes.