GARANDIA, Glossarium mediae et infimae latinitatis, Du Cange et al.

« Garandia » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 026a. http://ducange.enc.sorbonne.fr/GARANDIA

GARANDIA, Auctoritas, cautio, defensio, Gall. Garantie. Charta Johannis Abbatis S. Genovefæ ann. 1202. ex Tabulario S. Germani Paris. :

Præfatæ Ecclesiæ vendidit, et de quittatione, eleemosina et venditione plenam Garandiam fide interposita se portaturum promisit.

Charta Adami Porci ann. 1197. e Chartulario Montis Martyrum :

Garandiam ferre craantaverunt.

Charta Curiæ Archidiaconi Remensis ann. 1252. ex Tabulario S. Nicasii Rem. :

Pro Garandia ferenda dedit in contravadium et assignavit dictam Ecclesiam ad omnia bona sua.

Charta Officialium Remens. ann. 1257. ex eod. Tabular. :

Pro legitima Garandia ferenda dedit in contravadium et assignavit eidem Ecclesiæ omnia bona sua.

Similia prorsus habentur in aliis ejusdem Tabularii Chartis ann. 1250. 1252. 1259. etc. Adde Lobinelli Glossar. tom. 3. Hist. Paris. Vide Garantia 2. et Warantus.

les Bénédictins de St. Maur, 1733–1736.

Garandiare, Cavere, spondere, præstare, defendere, auctorem esse, Gall. Garantir. Charta Gaufridi Episc. Meld. ex Tabulario Sangerman. :

Ratam habendam et Garandiandam promiserunt.

les Bénédictins de St. Maur, 1733–1736.

Garandire, Ead. notione. Charta ann. 1259. e Chartulario S. Vandregesili tom. 1. pag. 99 :

Si contigerit dictos Religiosos ab aliquo seu aliquibus molestari in aliquo foro... ego et hæredes mei tenemur ipsos servare indemnes et contra omnes Garandire.

Charta Curiæ Noviom. ann. 1270 :

Premissa vendita idem Petrus eidem Ecclesiæ Garandire tenetur.

les Bénédictins de St. Maur, 1733–1736.

Garandisare, ut Garandiare. Charta Hugonis Militis Dom. de Rumignia ann. 1259. e Tabulario S. Nicasii Rem. :

Eo quod non Garandisabam dictam Ecclesiam contra fratrem meum.

Charta Curiæ Noviom. ann. 1273 :

Illud Garandisabunt et deffendent dictis Abbati et Conventui contra omnes.

Charta Curiæ Suession. ann. 1267 :

Voluerunt se cogi et heredes suos quoscumque, quoties eidem Ecclesiæ necesse fuerit, ad faciendum et implendum et Garantizandum pactiones predictas.

les Bénédictins de St. Maur, 1733–1736.

Garandisia, Tuitio, protectio. Chartularium Montisfortis apud D. Brussel de Feudorum usu tom. 2. pag. 856 :

Johannes de Montepinçon assecuravit domum suam de Esglencort, cum magno auxilio et parvo, et Comes debet ei custodire terram suam de Eglencort. Dominus Hugo de Mesalant assecuravit domum suam de Villers, et in Garandisia domini Comitis et garda ipse et terra sua.

les Bénédictins de St. Maur, 1733–1736.

Garandizator, Qui alteri tenetur ad evictionem, auctor, assertor. Charta anni 1219. e Chartulario S. Martini Pontisar. :

Theobaldus de Genciaco Miles fecit se Garandizatorem pro se et suis participibus in conventionibus cum Abbate S. Martini Pontisar.

les Bénédictins de St. Maur, 1733–1736.

Garandus, Gall. Garant, Ead. notione. Edictum Philippi VI. Fr. Regis ann. 1344 :

Ad suum Garandum, quem nominabat, faciendum adjornari.

Charta ann. 1399. tom. 3. Hist. Harcur. pag. 755 :

Præfatus defensor petens dilationem suos Garandos adducendi et summandi.

Regest. Parlamenti ann. 1404. apud Baluzium tom. 2. Hist. Arvern. pag. 342 :

Ad quos quidem dies suos Garandos... tenebitur adjornari facere.

Frequenter occurrit in Tabulario S. Vedasti Atrebat. et in Edicto ann. 1363. tom. 3. Ordinat. Reg. pag. 652. Vide Warantus.

P. Carpentier, 1766.

Garandizatio, Auctoritas, cautio. Charta ann. 1256. ex Chartul. Maurign. :

Et de dicta Garandizatione dictis abbati et conventui a dicto milite facienda, vel de dicta pœna centum librarum dictis abbati et conventui reddenda, si dictus miles in dicta Garandizatione facienda defecerit.

Vide Garandia.