1. GESSUM, Gæsum, Gallis veteribus Hasta. Gloss. Isidori : Gessum, hasta, vel jaculum, ϐολίς. apud Grævium, Gesum, asta, etc. Servius :

Pilum proprie est hasta Romana, ut Gessa Gallorum, Sarissæ Macedonum.

S. Augustinus Locut. de Josue lib. 6 :

Septuaginta Interpretes, qui posuerunt Geson, (Josue 8. 18.) miror, si et in Græca lingua hastam vel lanceam Gallicanam intelligi voluerunt, ea quippe dicuntur Gesa.

Papias : Gesa, gladius ; Gessaris, lanceis. Gloss. Sangerman. MS : Gesara, lancea. Suidæ γαῖσα et γαισός, est εἶδος δόρατος. Alibi γέσον, ὅπλον ἤ ϰόντον μαϰρόθεν ϰεντοῦν interpretatur. Hesychio, γαισός, est ἐμϐόλιον ὁλοσίδηρον, Jaculum totum ex ferro. Pollux lib. 7 :

Δορύξους, δόρυ ὁλοσίδηρον, ϰαλεῖται δὲ γαισός, ϰαι ἐστι λιϐυϰόν.

Ita apud Pausaniam in Atticis legendum monent viri docti, γαισός ὁλοσίδηρον δόρυ. Ubi perperam γαῖος. Moschopolus : Γαισσός, τὸ ϰοντάριον. Porro bina gesa in manibus gestasse Gallos, scribunt Nonius, Virgilius, Ovidius, Claudianus. Will. Brito lib. 5. Philipp. :

Clavam cum jaculo, venabula, Gesa, bipennem.

Matth. Paris ann. 1256 :

Cum jaculis ... Danisque securibus et Gesis ... hostiliter insequuntur.

Vide Gisarma. Gesi jaculum missile etiamnum a Vasconibus vocari, auctor est Oyenartus in Notitia Vascon. pag. 42. in Consuetud. Britan. art. 712 :

Goutiere ou Gesse pour porter les eaux communes.