GLIZZUM, Glossarium mediae et infimae latinitatis, Du Cange et al.

« Glizzum » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 079a. http://ducange.enc.sorbonne.fr/GLIZZUM

GLIZZUM, Glizum, Glisdum. Linteum, seu tela majoris pretii, sic forte appellata, quod niteret ac pelluceret, a Germanico Gleysen, et Gleissen, nitere, pellucere. Vide Graff. Thesaur. Ling. Franc. tom. 4. col. 291. Lupus Abbas Ferrar. Epist. 68 :

Et todidem lintea, quæ Germanice Glizza vocantur, dirigatis.

Glizum, Eadem notione. Historia de Fratrib. conscriptis tom. 2. Alaman. Goldasti :

Quibusdam autem (Monachis) palliola viridia cum camisilibus, seu Glizis donavit.

L. Henschel, 1840–1850.

Glizza. Statut. Monast. Andlav. sec. XI. in Alsat. Dipl. tom. 1. pag. 181 :

Glizzæ duæ, camisilia duo, stola una, etc.

Glisum. Charta Eccardi Comitis Augustodun. ex Tabulario Persiensi, apud Perardum :

Ampullam cum patena argentea, uno fanono viridi, cum brusdo uno de Gliso, cum sirico amnistrare.

Glezinus, Glizinus. Camisia Glezina, apud Monachum Sangall. lib. 1. cap. 36. Sic enim præfert Editio Pithœana, non cilicina, uti Duchesniana. Vide in Camisia. Historia de Fratrib. conscriptis :

Mensasque omnes operimentis mandavit Glizinis vestiri.

Glisdum. Polyptychus S. Remigii Remensis :

Habens velamina altaris 2. pallium 1. corporales de Glisda 2. capsam argenteam 1.

P. Carpentier, 1766.

◊ Nostris Glaçon, eodem sensu, ut videtur. Lit. remiss. ann. 1415. in Reg. 169. Chartoph. reg. ch. 192 :

Une piece à lasures, une autre piece sans lasures, nommée Glaçon, une piece de pans, etc. Glachon

vero, Vestis militaris species, apud Math. de Couciaco in Carol. VII. pag. 536 :

Lesdites communes, qu'on appelle Suisses, estoient assez communement habillez de jacques, de pans, de haubregerie, de Glachons et de chapeaux de fer, à la façon d'Allemagne.