« »
 
GLORIA 1, GLORIA 2, GLORIA 3, GLORIA 4, GLORIA 5, GLORIA 6.
[]« 1 gloria » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 079c. http://ducange.enc.sorbonne.fr/GLORIA1
1. GLORIA, Pompa, apparatus. Anastasius Bibl. in S. Joanne PP. pag. 35 :
Veteres Græcorum hoc testificabantur, dicentes a tempore Constantini Augusti... usque ad Justini Augusti tempora non meruisse partes Græciarum B. Petri Apostoli vicarium suscepisse cum Gloria.
Vetus Chronicon Francicum, editum a Petro Lambecio lib. 2. Comment. de Bibliotheca Cæsarea pag. 373 :
Celebrantque Pascha Domini cum magna Gloria.
Anselmus Havelbergensis Episc. lib. 3. Dialog. cap. 12 :
Agapitus Papa natione Romanus veniens CPolim ad Justinianum Augustum, cum Gloria susceptus est.
© École des chartes.
[]« 2 gloria » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 079c. http://ducange.enc.sorbonne.fr/GLORIA2
2. GLORIA, Titulus honorarius, concessus Regibus et Magnatibus. Anastas. Bibl. in Martino PP. pag. 50. de Exarcho :
Oportet Gloriam tuam, ut sicut nobis suggessit Paulus Patriarcha hujus a Deo conservandæ urbis, peragere.
Testamentum Bertichramni Episc. Cenoman. :
Unde tibi, gloriosissime Domne Chlotarie, bona retribuamus : attamen de id, quod Gloria vestra nobis contulit, etc.
Epistola Ledradi Archiep. Lugd. ad Carolum Imp. :
Ecce adsunt in conspectu Gloriæ vestræ, etc.
Adde Gregorium M. lib. 1. Epist. 23. 47. lib. 10. Ep. 7. Avitum Ep. 1. 69. 70. aliam Epistolam ejusdem Aviti, [] editam a Steph. Baluzio post Agobard. Epist. Vigilii Arelat. apud Baron. ann. 538. n. 27. Epist. Judæorum ad Recesvindum Regem in Lege Wisigoth. lib. 12. tit. 2. § 14. Gesta Dagoberti cap. 36. Historiam Wambæ Regis pag. 833. Epistolam ex Francicis tom. 1. Hist. Franc. 19. Epist. Nicolai I. PP. 8. 27. 30. 31. Joannis VIII. PP. 2. etc. Hinc
Gloriosi dicti præcipui Magistratus. Idem Anastasius in Joanne PP. pag. 50 :
Quomodo nobis suggessit Platon Gloriosus Patricius, et Eupraxius Gloriosus.
Adde Gregor. M. lib. 7. Epist. 11. 22. 30. 32. 70. lib. 8. Epist. 8. lib. 9. Epist. 35. 36. Reges interdum ita compellatos multis probat Bivarius in Commentat. ad Pseudo-Maximum pag. 65. et seqq. qui ejusmodi titulum affectasse Wisigothorum Reges observat. Vide Glossar. med. Græcit. voce Μεγαλοπρεπέστατος, col. 895. MS. ubi de Regis filio :
Darres le fils Alimodes
Garde la tor et le pales,
Moult ot li Glos riche mesniée,
Fait avoir une chevalchiée.
© École des chartes.
[]« 3 gloria » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 080a. http://ducange.enc.sorbonne.fr/GLORIA3
3. GLORIA, Hymnus Gloria in excelsis. Statuta Ecclesiæ Aquensis ann. 1375. MSS :
Statuerunt quod licet perdant tales distributiones, quas lucrati fuissent, si ante Gloriam vel Epistolam cantatam in choro venissent, nihilominus in choro intrare valeant, sed distributiones non lucrentur.
© École des chartes.
[]« 4 gloria patri » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 080a. http://ducange.enc.sorbonne.fr/GLORIA4
4. GLORIA Patri, Glorificatio Trinitatis, Versiculus, qui Psalmos claudit, Cassiano l. 2. de Cœnob. Instit. cap. 8. δοξολογία Græcis. Gregor. Turon. lib. 1. de Mirac. cap. 33 :
Postquam dicta Gloria Trinitati.
Joannes Abrincensis Episc. de Offic. Eccles. :
In his tribus horis bis tres Psalmos cum trina Glorificatione sanctæ Trinitatis canimus.
Alibi :
Quod vero in primo nocturno in Dominicis diebus 12. Psalmos cum trina Glorificatione sanctæ Trinitatis canimus, et quatuor una Glorificatione et una Antiphona copulamus, etc.
Scribit auctor Chronici Reichersperg. ann. 368. Damasum PP. constituisse,
ut in fine cujuscumque Psalmi Gloria Patri
cantaretur : quem morem sua invaluisse ætate refert idem Cassianus loco citato, et si secus uteretur Orientalis Ecclesia,
ubi cum silentio omnium, finito Psalmo, oratio succedebat
. Sed longe ante Damasum Hymnum istum glorificationis, immo ab ipsis Apostolorum temporibus obtinuisse, pluribus contendunt Baronius ann. 325. Durandus de Ritibus Eccles. lib. 3. cap. 15. et alii. Consule Constantium tom. 1. Ep. Rom. Pontif. col. 612. Vide Concil. Vasion. I. sub Julio cap. 3. Vasense II. cap. 5. Narbon. I. cap. 2. Toletan. IV. cap. 13. Vigilium PP. Ep. 2. Walafridum Strabon. lib. de Rebus Eccles. cap. 25. Bernonem Augiens. cap. 2. Micrologum cap. 31. Durandum lib. 5. Ration. cap. 2. num. 17. et seqq. Glossar. med. Græcit. voce Δοξολογία col. 324.
Gloria, nude vel
Gloria Psalmi. Tres Psalmos dicere sub una Gloria
, in Regula S. Benedicti cap. 17. 8.
Gloria primi Psalmi
, cap. 43.
Psalmos definire cum Gloria
, vel
cum una Gloria complere
, in Regula Magistri cap. 33.
Gloria Invitatorii, Gloria primi Psalmi
, in Charta ann. 1304. apud Ughellum tom. 7. pag. 898.
Ad gloriam Psalmi inclinare
, apud Hubertum de Miraculis lib. 1. cap. 11. et in Statutis Ord. de Sempringham pag. 741.
Occurrere ad primum Gloria
, in iisdem Statutis pag. 764. 726. Adde Johannem[] Episc. Abrincensem de Eccl. Offic. pag. 8.
© École des chartes.
[]« 5 gloria » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 080b. http://ducange.enc.sorbonne.fr/GLORIA5
5. GLORIA. Sic vocatur una, octava scilicet, e novem partibus hostiæ divisæ in Missa Muz-arabica :
Et sumit illam particulam, Gloriam, et omnes reliquas per ordinem, et sumit calicem dicendo, etc.
© École des chartes.
[]« 6 gloria » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 080b. http://ducange.enc.sorbonne.fr/GLORIA6
6. GLORIA, Specimen, in vet. Glossar. ex Cod. reg. 7641. Perperam pro Glossa. Vide in hac voce secunda notione.
© École des chartes.