2. GONELA, Gonella, Cyclas, tunica, palla, Ital. Gonnella, nostris, Gonelle. Glossar. Provinc. Lat. ex Cod. reg. 7657 : Gonella, Prov. tunica, tunicella. Stat. pro comitat. Venais. ann. 1443. cap. 79. ex Cod. reg. 4660. A :

Omnia supradicta et singula serventur, etiam in mulieribus bonis cedentibus, hoc salvo quod mulieres non teneantur Gonelam expoliare, sed usque ad Gonelam cetera vestimenta, et velum et bendam, cum bonis cederent, dimittere tenentur.

Matth. de Afflictis JC. Neapolit. in Decis. 315 :

Maritus mittit uxori suæ, quando est in domo patris vel fratris, Gonellas de serico.

Stat. Ferrar. ann. 1279. apud Murator. tom. 2. Antiq. Ital. med. ævi col. 424 :

De Gonellis dominarum frexatis, cum gironibus et crespis et butonis, octo solidos Ferrarienses... Et in Gonella de Mantatura fodrata de pellibus, etc.

Lit. remiss. ann. 1412. in Reg. 166. Chartoph. reg. ch. 390 :

Ainsi comme icelle femme senti ledit Jehan, elle se esveilla et se leva toute esmeue et effrayée, prist sa Gonelle ou cotelle pour soy cuider vestir.

Vide Gunna 1.