GRAFARE, Glossarium mediae et infimae latinitatis, Du Cange et al.

« Grafare » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 094a. http://ducange.enc.sorbonne.fr/GRAFARE

GRAFARE, Scribere, pingere, a Græco γράφειν. Statuta Canonicorum Regularium S. August. art. 49. apud Raim. Duellium lib. 1. Miscell. pag. 95 :

Nam si prælati fuerint justique probati,

Tunc bene servantur, hic quæ normaque Grafantur.

les Bénédictins de St. Maur, 1733–1736.

Grafarius, Scriba, Notarius, Gallis Greffier, apud Lobinell. tom. 3. Hist. Paris. pag. 147.

les Bénédictins de St. Maur, 1733–1736.

Graffarius, Eadem notione, in Litteris ann. 1564. ex Tabulario Massil. et in Concilio Lugdun. ann. 1527. apud Marten. tom. 4. Anecd. col. 398. Vide Graphia.

P. Carpentier, 1766.

Grafferius, Scriba, Gall. Greffier,

in Invent. ann. 1476. ex Tabul. Flamar. Vide in Grafare et Greffarius.

Graffagia, Matth. Silvatico, Scriptura. Infra : Melangraficum, Graffagia.

les Bénédictins de St. Maur, 1733–1736.

Graffiare, Glafiare, proprie Scribere, dein Tradere, in possessionem mittere ; quia traditiones fieri solent charta scripta. Charta ann. 907. apud Lobinell. tom. 2. Hist. Britann. col. 66 :

Bili Episcopus Veneticæ urbis Mathuedoi Comitem petiit, ut sibi permitteret partem Tremissam quæ vocatur Buiac, quam ipse sibi ad possidendam dederat, S. Salvatori in parochia sempiterna dare. Qui Comes manu propria per manicam suam terram supradictam in manu Catluiant Abbatis voluntarie Graffiavit.

Et pag. 67 :

Duo supradicti Episcopus Bili et Mathuedoi Comes dimidiam plebis quæ vocatur Guiebri, quod rex Alanus atque Civen nepos ejus S. Mariæ atque Episcopo Bili in monachio sempiterno antea dederat, quomodo dederant Buiac, sic donaverunt in manu Catluiant Abbatis. Testes Bili Episcopus qui dedit. Mathuedoi Comes qui Graffiavit. Qui et miserunt Gurgnou Monachum ad Gurmhailon Comitem, qui hanc monarchiam Britanniæ regebat, ut ipse parochiam supradictam Graffiaret et manu propria firmaret.

Tabul. Rothonense :

Riwalt Archidiaconus patriæ Weroc volens fieri monachus, dat S. Salvatori Tiebaltnou, etc. quæ monachio sempiterno Graffiavit.