« »
 
[]« Griseum » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 113a. http://ducange.enc.sorbonne.fr/GRISEUM
GRISEUM, Grisium, Pellis animalis cujusdam, quod vulgo Vair Galli appellant, de quo quædam attigimus in Dissertat. 1. ad Joinvillam, semper in pretio habita. Grisia vel varia, in Privilegio Leduini Abb. S. Vedasti Atrebat. ann. 1036. e. Chartulario ejusdem Monasterii signato V. pag. 243. ubi de variis pellibus censui obnoxiis. Tabular. Ecclesiæ Macloviensis :
Statutum fuit 13. Aprilis 1415. ne Capellani audeant deferre almutias de Grisio seu vairo.
Arnoldus Lubecens. lib. 6. cap. 5 :
Nunc non solum scarlatico, vario, Grisio, sed etiam purpura et bysso vestiuntur.
S. Bernardus Epist. 2. cap. 11 :
Ut inde compares tibi fræna aurea... varia Griseaque pellicea a collo et manibus ornatu purpureo diversificata.
Cæsarius lib. 6. cap. 5 :
Vestimenta ejus erant humillima, non Grisea, non varia, sed ovina. Pelles Grisiæ, et variæ
in Chronico Trudon. lib. 7. pag. 428. Adde Andream Monach. lib. 2. Vitæ S. Ottonis Episcopi Bambergensis cap. 27. Statuta Cluniacensia Petri Venerab. cap. 16. Albertum Aq. lib. 2. cap. 16. lib. 5. cap. 20. Willelm. Neubrig. lib. 3. cap. 22. Ricardum Hagulstad. pag. 328. Gaufrid. de Belloloco cap. 8. Radulf. in Vita S. Ricardi Episcopi Cicestrensis num. 44. Concilium Terracon. IV. apud Marten. tom. 4. Anecd. col. 323. etc. Sebastianus Cobarruvias :
Grises, son ciertos animalejos, de cuyas pieles se suelen hazer aforros, y dieron les este nombre por la color parda que tienen.
les Bénédictins de St. Maur, 1733–1736.
Grisum. Almutiæ de Griso seu de pellibus Grisis, in Litteris ann. 1371. apud Lobinell. tom. 3. Hist. Paris. pag. 135. Vide Almutia.
Griseus Color, qui Pseudolactinus Joanni Diacono in Vita Gregorii M. lib. 4. cap. 84. λευϰόφαιος, Græcis. Baldricus in Gestis Alberonis Archiepiscopi Trevirensis :
Clericali se toga induit, et peplo muliebri caput et vultum involvit, et cappa de panno Griseo se superinduit, etc.
Leges Burgor. Scoticor. cap. 45 :
Et vestitum unius coloris, scilicet Grisei, vel albi.
Vita S. Gilberti de Sempringham :
Grisiis, quas dicunt vestibus utens, fucatos fugit pannorum colores. Vestis Grisea,
in Chronico Colmariensi ann. 1277. Grisevestis, apud Ludewig. tom. 6. pag. [] 194. Grisea tunica, apud Albertum Argentin. pag. 101. Fridericus II. Imp. de Arte venandi lib. 1. cap. 46. de plumis avium :
Quædam Griseæ seu cinericiæ.
Chronicon Windesem. lib. 2. cap. 6 :
Grisea tunica de quatuor partibus panni consuta.
Thomas a Kempis in Vita Gerardi Magni cap. 11 :
Vestimenta ejus Grisei Coloris.
Grisius Rusticanus. Liber Ordinis S. Victoris Parisiensis MS. cap. 18 :
Lanea autem dormitorii vel de albo esse debent, vel de Grisio Rusticano.
Infra :
Cappæ laicorum fratrum, id est, conversorum, de Grisio Rusticano.
Grisei Monachi, Gryfryers, Anglis. Vide in voce Monachi.
Grisengus Pannus, Griseus, in Legibus Ethelredi Regis cap. 23. et in Monastico Anglic. tom. 1. pag. 831. Idem qui
Grisetus dicitur Radulfo de Diceto ann. 978 :
Gaufridus Comes (Andegavensis) indutus tunica illius panni, quem Franci Grisetum vocant, etc.
Infra :
Rex deinceps ut Grisa tunica vocaretur, edixit.
les Bénédictins de St. Maur, 1733–1736.
Grisus Girofalco, apud Rymerum tom. 2. pag. 1087. Vide Gryofalcones.
Gryseus, in Chronico Mellicensi pag. 360.
Grisitas. Fridericus II. Imper. lib. 2. de Venat. cap. 20 :
Quidam tendunt plus ad Grisitatem.
◊ De vocis Griseus etymo, quædam habent Menagius et Ferrarius.
© École des chartes.