GRITONATOR vel Gritonatus, Vocem corruptam esse suspicantur docti Editores. Hispanis Grito est Quiritatus, clamor, fremitus : sed nihil ad hujus loci intelligentiam pertinere videntur hæ voces ; unde ab Italico Gettare, pro Imponere, fucum facere, quod hypocritarum est, accersiri atque adeo emendari potest vocabulum Gritonator ; nisi pro Gritonatorum, legas Goliardorum, quod satis arridet. Vita S. Facund. tom. 6. Aug. pag. 474. col. 1 :

Falsos autem prophetas et hypocritas et simulatos Christianos,... beatus Facundinus sicut viperas perhorrebat, eorum familiaritates et colloquia fugiens, non permittebat aliquam sectam talium hypocritarum et Gritonatorum, falsorumque spirituum, in sua ecclesia et diœcesi intrare et morari.