GRUNDRUHR, Grundrure. Charta ann. 1340. tom. 2. Hist. Trevir. Joan. Nic. ab Hontheim pag. 145. col. 1 :

Insuper angarias seu exactiones, vulgariter dictas Grundruhr, in nulla parte conductus seu districtus dom. nostri Trevirensis... ab aliquo recipiemus.

Alia ann. 1346. ibid. pag. 165. col. 2 :

Cum intellexerimus nonnullos, præsertim super alveum Reni, sibi hactenus vendicasse et adhuc vendicare jus quoddam se intromittendi de bonis, rebus ac mercibus eorum, qui naufragium patiuntur, quod Grundrure vulgariter nuncupatur, et etiam eorum, qui bona vel merces aliquas per terras in bigis vel curribus vehunt sive ducunt, si bigæ vel currus hujusmodi labantur, vel cadant, vel confringantur, vel etiam si bigæ sic cadentes seu dum franguntur, eorum propriis ductoribus, vel aliis aliquod corporis nocumentum inferant, bona, res et merces hujusmodi animo sibi retinendi tenere occupando. Cum igitur hujusmodi juris seu potius injuriæ vendicatio sit contra omnem æquitatem et naturalem etiam rationem,... non obstante aliqua consuetudine,... cassamus et irritamus.

Grundtrure, in alia ann. 1354. ibid. pag. 179. col. 1. Vide mox Gruntroringe. Vide infra voce Lagan et Mitterm. Princip. Jur. Germ. § 162. not. 5.