GUIZARDONUM, Guizardorum, Munus seu donum quoddam apud Massilienses. Statuta Massil. pag. 7 :

Item, quod nullum munus, Guizardorum (Melius in MS. Guizardonum) vel xenia aliqua (Vicarius) recipiet ab aliquo vel aliquibus per totum tempus sui regiminis.... nisi essent canes et aves ad venandum, vel res pertinentes ad esculentum et poculentum a 5. sol. ad plus

. Eadem habentur pag. 15. nisi quod legitur Guizardonum. Ibidem pag. 33 :

Judices omnes vel singuli durante officio vel post in fraudem nullatenus possint aliquo modo... aliquam remunerationem, vel Guizardonum, vel aliquod servitium, vel donum seu xenia aliqua postulare vel accipere.

Similia recurrunt pag. 51. et 54. Vetus interpretatio legit : Guerdon ou estrenne. Vide supra Guiardonum.