« »
 
GUTTA 1, GUTTA 2, GUTTA 3, GUTTA 4, GUTTA 5, GUTTA 6, GUTTA 7.
[]« 1 gutta » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 142b. http://ducange.enc.sorbonne.fr/GUTTA1
1. GUTTA, Idem videtur quod Gota, de qua voce supra, et Gutera, Canalis, rivus. Tabularium Prioratus de Paredo fol. 22 :
Terminat de una parte currente Gutta, alia via publica, etc.
Fol. 29 :
Sunt ii fines dis lo perron, usque ad Guttam, quæ dividit villam Defensum dictam, et silvam, etc.
Fol. 42 :
Qui terminat de una parte Gutta mortua, etc.
Fol. 62 :
De una parte terra S. Vincentii, de alia Liger fluvius, de altera Gutta decurrit.
Tabular. Monasterii S. Andreæ Viennensis :
In alio fronte, Gutta percurrente, qui ad æstum siccat, etc.
Infra, Gutta sicca dicitur. Occurrit etiam crebrius in Tabulario Conchensis Abbat. in Ruthenis.
P. Carpentier, 1766.
◊ Charta ann. 1310. in Reg. 46. Chartoph. reg. ch. 44 :
Ex alia parte dicti pontis S. Johannis sicut Guta ascendit,... et prout exinde protenditur ad quemdam lapidem rotundum, qui est quasi in capite dictæ Gutæ inter rivos de Laverneda,... et inde prout descendit fundus Gutæ, quæ est inter curtile de Chaselas et curtile de Loyseret.
Alia ann. 1319. in Reg. 61. ch. 428 :
Et exinde sicut Gutta de fossa ascendit ad cenderium de Vallieras. Vide Guttarium.
les Bénédictins de St. Maur, 1733–1736.
◊ In tractu Dumbensi, et fortassis etiam in aliis, per Guttas sæpius intelliguntur illi canales et alvei, quibus aqua fluvialis in vicinos fundos derivatur. Qui in iis locis, in quibus hujusmodi canales effodiuntur, jurisdictionem integram habent domini, ii piscacationis jure potiuntur. Charta Thossiaci ann. 1451 :
Debet 5. sol. Vienn. pro licentia ei data de construendo in suo prato vocato la Goille quamdam Guttam piscatoriam.
Guta, Eadem notione. Tabularium Eccl. Cadurcensis :
Cum ipsa terra, quæ tenet in ipso loco, quæ tenet in illa Guta.
[] Charta Froterii Episcopi, ibidem :
Et per illo termine... et descendit per mediam cumbam, usque in illa Guta, quæ dicitur Boina.
Guttula, Rivulus. Tabularium Monast. S. Andreæ Viennensis :
In alio fronte terra ipso quintillone, et Guttula, quæ ad æstum siccat.
Tabularium Brivatense Ch. 15 :
De duobus vero lateribus vineas S. Juliani, ex quarto vero latere Guttulam decurrentem, etc.
Alibi :
De subteriori vero latere est Gutula decurrens, de superiore vero latere strata publica.
© École des chartes.
[]« 2 gutta » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 142c. http://ducange.enc.sorbonne.fr/GUTTA2
2. GUTTA, Italis Gotta, Hispanis Gota, Catarrhus, fluxio, quod guttatim fiat, inquit Berevicius lib. de Idea Medicinæ antiquor. nescio an vere. Domnizo lib. 2. de Vita Mathildis cap. 21 :
Frigore percussa, doluit nimis illico Gutta.
Vita S. Anselmi Episc. Lucensis n. 57 :
Die quadam cito superveniens Gutta, ita ut unius oculi lumen sanguine cooperiret,
Num. 58 :
Gutta, quam dicunt fistulam, generante, putredo quædam assidue stillabat.
Num. 39. et 42 :
Gutta paralytica, Gutta, quam Paralysim vocant. Hydropisis,
apud Tortarium Floriacensem :
Gutta fugit ventris, restinguitur hic sacer ignis.
Magister Ægidius Corboliensis de Urinis :
Innuitur Gutta regnare per alba minuta.
Ubi vide Gentilem de Fulgineo. Ebrardus in Græcismo cap. 10 :
Est pluviæ gutta : sed sit situlæ tibi stilla ;
Dicitur esse sene passio Gutta fore.
Vide Albertum M. lib. 23. de Animalib. cap. 18. et Grimm. Mythol. German. pag. 673.
Gutta Cadiva, Caduca, Ἐπίλεψις. Glossæ Riblicæ MSS. : Epilenthici dicuntur, qui Guttam habent Cadivam. Robertus de Tumbalenia in Epistola ad Monachos S. Michaelis de Monte apud Mabill. tom. 5. Annal. Benedict. pag. 659. col. 1 :
Hugo vocatus frater quidam... subito illa molestia arripitur, quam Medici Epilepsiam vocabulo Græco dicunt, vel Sacrum morbum, eo quod sacras hominis partes, ut est caput, et mentem occupet ; nos vero vulgariter Guttam Caducam, ex eo quod cadere faciat, vocamus.
Vita MS. Caroli M. jussu Friderici Imp. exarata lib. 2. cap. 22 :
Sed quod magis dolendum erat, intrinsecus epatica passio, imo ebitudo animi, Caduca Gutta, et cotidiana vecordia ipsum desipere faciebant.
Vita S. Raynerii, tom. 2. Junii pag. 442 :
Hæc sub occasione Caducæ Guttæ, biennio ante adventum almi Raynerii ad nos a dæmonio fuerat vexata.
P. Carpentier, 1766.
◊ Goute félonnesse appellatur in Lit. remiss. ann. 1366. ex Reg. 98. Chartoph. reg. ch. 676 :
Icellui Thomas ala de vie à trepassement par une maladie, si comme l'en dit, de quoy il estoit malade par plusieurs fois, appellée Goute félonnesse.
Aliæ ann. 1425. in Reg. 173. ch. 311 :
Icellui jeune enfant estoit entachié d'une maladie d'avertin de teste, nommée Goute, dont il cheoit voulentiers par intervalles.
les Bénédictins de St. Maur, 1733–1736.
Gutta Ciata, Gallis Goutte Sciatique, Ischiadicus dolor, in Miraculis B. Edmundi Archiep. apud Marten. tom. 3. Anecd. col. 1895.
P. Carpentier, 1766.
Gutta Estranguria. Vide supra Estranguria.
les Bénédictins de St. Maur, 1733–1736.
Gutta Fantilia.
Filiam habebat parvulam... habentem Guttam Fantiliam
, in Actis SS. Junii tom. 3. pag. 452. ubi [] Fantilia forte pro Infantilis, et Gutta Fantilia pro Variolæ.
Gutta Malogranata, Hemicraniæ species, quam Galli vocant Pome grenade. Occitanis, Mielgrano. Steph. Julianus in Vita B. Coletæ n. 234 :
Affligebatur... specialiter passione Guttæ Malogranatæ, taliter quod vi doloris efficiebatur quasi furibunda.
Ditmarus lib. 4. pag. 50 :
Cui in capite suo multum nocuit migranea, quæ duplex : aut ex Gutta, aut ex vermibus.
Morbi, non fructus, genus est, vulgo Migraine, Hemicrania.
P. Carpentier, 1766.
Gutta Palestina, f. pro Paralytica, ut notant docti Editores ad Append. vitæ S. Ludov. reg. Franc. tom. 5. Aug. pag. 569. col. 2.
les Bénédictins de St. Maur, 1733–1736.
Gutta Rosacea, Medicis, Rubedo in facie.
les Bénédictins de St. Maur, 1733–1736.
Gutta Salsa. Vitus Cortonensis in Vita B. Humilianæ, tom. 4. Maii pag. 397 :
Sicut autem recessisti a me, nunquam ilii et lateris dolorem sensi... Infirmitas illa vulgo Papici vocabatur, alio autem vocabulo Ignis volatilis, alio modo Gutta Salsa nominatur.
les Bénédictins de St. Maur, 1733–1736.
Gutta Serena, Medicis nostris Goutte Sereine, Cæcitas, licet nullum in oculis vitium appareat præterquam in pupilla, quæ tum latior apparet et obscurior. Miracula S. Mariæ Magd. de Pazzis, tom. 6. Maii pag. 322 :
Ob Guttam Serenam, quam biennium passa fuerat in oculo dextro, videndi facultatem amiserat.
© École des chartes.
[]« 3 gutta » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 143a. http://ducange.enc.sorbonne.fr/GUTTA3
3. GUTTA, et Guta, Gallis la Goutte, Podagra, Arthritis quælibet, in Vita Innocent. VI. PP. apud Bosquetum pag. 139. Chronicon Casauriense :
Illa infirmitate, quæ Gutta appellatur, graviter fuerat occupatus.
Radulfus in Vita S. Richardi Episcopi Cicestrensis num. 86 :
Cum Gutta, quam Podagram vel Artreticam vocant, frequenter vexaretur, etc.
Pseudo-Ovidius lib. 2. de Vetula :
Tussiat æternum, juncturas Gutta fatiget.
Ptolemæus Lucensis ann. 1284 :
Defectum patiebatur in manibus et pedibus propter Guttas, ita quod vix celebrabat.
Occurrit in Hist. Mediani Monast. pag. 275. in Fragmentis Hist. Dalphin. tom. 2. pag. 624. col. 2. in Miraculis B. Simonis, tom. 2. April. pag. 823. in Vita B. Hugonis de Lacerta, apud Marten. tom. 6. Ampliss. Collect. col. 1186. et alibi.
© École des chartes.
[]« 4 gutta » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 143a. http://ducange.enc.sorbonne.fr/GUTTA4
4. GUTTA, Hydropisis. Hartmannus in Vita S. Wiboradæ Virg. sæc. 5. Benedict. pag. 60 :
Ægritudinis, inquit, (Eggehardus vel Ekkehardus) incommoditatem Gutta infestante, et totum corpus meum contrahente, etc.
Hydropisin intelligendam esse patet ex Hepidanno, qui de eodem morbo disserens ibid. pag. 62. ait :
Ekkehardus... cum quodam tempore Hydrope ad extrema deductus esset, etc.
© École des chartes.
[]« 5 gutta » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 143a. http://ducange.enc.sorbonne.fr/GUTTA5
5. GUTTA, Stillicidium, Gall. Goutte, Gouttiere. Chirographum Remboldi in Tabulario S. Clodoaldi :
Et si prædictus Remboldus domus pinnaculum auferre voluerit, vel heres ipsius, usque ad pannam Guttæ auferre licebit
. Charta Philippi Aug. ann. 1220. in Hist. Monmorenciaca pag. 85 :
Facit unam domum si voluerit, nomine suo absque forteritia in insula de Chastelles supra Sequanam, ejusdem altitudinis, cujus sunt aliæ domus in eadem insula : ita videlicet quod parietes Guttæ, altitudinem aliorum parietum ejusdem insulæ non excedant.
© École des chartes.
[]« 6 gutta » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 143a. http://ducange.enc.sorbonne.fr/GUTTA6
6. GUTTA, Macula. Auctor Mamotrecti ad cap. 36. Gen. :
Polymitus, vestis ex variis coloribus et Guttis, a polis, quod est pluralitas, et mitos, quod est Gutta.
Infra : []
Mitos, Guttam sonat... calamita est rana, quæ moratur in cannis, varias habens Guttas.
Idem ad 35. Exod. :
Polymitarius, qui operatur polymito, id est, vario opere et Guttato.
Ita Guttatus, color est in equis, guttis distinctus. Hac notione Ovidius :
Nigraque cæruleis variari corpora Guttis.
P. Carpentier, 1766.
◊ Memor. Dadon. ad ann. 893. inter Probat. Hist. Virdun. pag. 1. col. 2. Pertz. Script. tom. 4. pag. 37. lin. 41. :
Berhardus dedit ad ipsum altare unum sacerdotale vestimentum auro ornatum, planetam scilicet, id est ex dirotano cum Guttis, etc.
Maxime vero dicitur de maculis, quæ lacrymas effingunt. Inventar. S. Capellæ Paris. ann. 1335. in Reg. I. Chartoph. reg. ch. 7 :
Item una casula, una dalmatica et una tunica de camoscato nigro gutato Gutis albis pro officio defunctorum.
Aliud Gall. ex Bibl. reg. :
Un chasuble, tunique et dalmatique de camocaz noir, goutté de Goutes blanches pour l'office des mors.
Vide Gouttæ.
© École des chartes.
[]« 7 gutta » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 143b. http://ducange.enc.sorbonne.fr/GUTTA7
7. GUTTA, Species aromatica, Psal. 44. 9. Eccli. 24. 21. et in rythmica Descriptione Veronæ apud Murator. tom. 2. part. 2. col. 1095.
P. Carpentier, 1766.
Gutta Alba, Sebum, ut videtur, Gall. Suif. Constit. civit. Tull. ann. 1297. in Reg. A. Chartoph. reg. ch. 1 :
Quiconques seroit trouvez... dedans la ville cusant char de murie, paieroit cinq sols : mais la doient cure aux champs et desous vent, sus la poinne dessusdite ; et la blanche Goute puet en faire dedans la ville.
Gutta Mera, Gall. Mere goutte. Charta ann. 1208. ex Tabul. Fossatensi f. 29 :
Annuatim unum duplarium vini sine fusto de Mera Gutta ad mensuram Parisiensem persolvent.
Alia ann. 1212. fol. 31 :
Et tempore vindemiarum nomine censum in cuva et de Mera Gutta... persolvent.
les Bénédictins de St. Maur, 1733–1736.
Gutta Pura, Eadem notione. Charta Adami Abb. S. Faronis ann. 1313. inter Instrum. Histor. Meldensis pag. 200 :
Tenebitur perpetuo reddere Conventui supradicto centum viginti et duodecim modios vini de Pura Gutta ad mensuram Meldensium.
les Bénédictins de St. Maur, 1733–1736.
Gutta Prima, Aqua ex qua fit sapo. Vide Capitellum 2.
© École des chartes.