GYPSA, pro Dipsas, Serpens. Althelmus, de Laude Virginum cap. 26 :

Et iterum Gypsas spiris sinuata malignis,

Cærula pestiferis extollit colla venenis.

Gypsa, semel ac iterum cap. 45 :

Jusserat et Gypsam verbo torrente migrare.

Et lib. de 8. principalibus vitiis cap. 8 :

Hinc metuat multo Gypsam lacerare superbam.

Alvarus Cordubensis in Hymno in S. Eulogium :

Rector dum populos docte reficeret,

Gypsam cum doceret fragmine perdere,

Turbam multiplici germine lauream

Gœlesti rutilus agmine provehit.

Ita in MS. legi monet Ambr. Morales, qui vim vocis gypsam ignorans, versum sic emendavit :

Gypsum cum diceret fragmine prodere.

Quasi vas terrenum aut testaceum fractum, Legem Mahumeti esse diceret. Sed nihil mutandum fuerat. Gipsum dixit cap. 17 :

Nam Gipsum miseros quod dudum faucibus atris

Sorbuit, etc.

Passio S. Victoris Massiliensis :

Cum videas ipsum quod habes pro numine Gypsum.

Adde Vitam S. Bonif. cap. 1. apud Pertz. Script. tom. 2. pag. 355.