Ham, significat vicum, villam : unde apud Germanos et Anglos villæ et urbes sua nomina in ham desinentia passim habent. Ordericus Vitalis lib. 11. pag. 807 :

Per silvam Hunelgehem, quam Latini malum callem vel vicum nuncupare possunt.

Quasi hunel-ge-hem.

Hamellum, diminut. ab Ham, Villula a vico majori dependens, quæ Ecclesiam parochialem non habet : nostris Hamel, hameau. Willelmus Thorn :

Cum 11. sol. annui redditus in Hamello de Chetam.

Charta ann. 1235. ex Hist. MS. Monast. Beccensis pag. 591 :

Abbas et Conventus dicto Ricardo concessere manerium quod vocatur Hamellum quod habebant juxta Livacout.

Litteræ Officialis Belvac. ann. 1263. ex Tabular. Calensi pag. 167 :

Percipiebat ex propria hæreditate sua 4. modios et dimid... in Hamellis de Mesnilo et in villa de Camberona Belvac. diocesis, etc.

Index MS. beneficiorum Ecclesiæ et diœcesis Constantiensis fol. 5 :

Item rector dicte Ecclesie percipit omnem decimam et altalagium, excepto quodam Hamello qui vocatur Valieres.

Hameletta, Hamelettum, et Hamletum, diminut. ab Hamellum. Nostris etiam Hamelet. Occurrunt hæ voces non semel apud Scriptores Anglic. Will. Thorn pag. 1956. 2092. Bractonum lib. 4. tract. 1. cap. 31. § 3. in Fleta lib. 2. cap. 54. § 13. in Monastico Anglic. tom. 1. pag. 298. 963. tom. 2. pag. 93. 94. 103. 209. etc.