« »
 
[]« 1 hostia » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 243c. http://ducange.enc.sorbonne.fr/HOSTIA1
1. HOSTIA, Panis ad sacrificium Eucharisticum destinatus. Charta ann. 1257. ex Tabular. S. Mariani Autissiodor.. :
Dedi et concessi unum sextarium frumenti boni et laudabilis pro Hostiis in dicta ecclesia faciendis.
Statuta Nicolai Gelant Episc. Andegav. ann. 1263. tom. 11. Spicileg. Acher. pag. 207 :
Prohibemus singulis Sacerdotibus parrochialibus ne ipsi parrochianis suis die Paschatis testes (f. tostas) seu Hostias loco panis benedicti ministrent, ne ex ejus ministratione seu receptione erubescentiam evitare videantur.
Tabularium Abbatiæ Melerei :
Ego Mauritius de Credonio dedi B. M. de Melereio duo frumenti sextaria de Chantoceo ad faciendas Hostias in Corpus Domini consecrandas.
Charta ann. 1420. apud Ludewig. tom. 6. Reliq. MSS. pag. 194 :
Et sic corpus Christi in Hostiis non secundum formam Ecclesiæ rotundis, sed qualitercumque incisis, vel manibus fractis... conficiebant.
Vide Oblata.
P. Carpentier, 1766.
◊ Nostris Hoiste, Oiste, et Oite, pro ipsa sacra Eucharistia. Glossar. Lat. Gall. ann. 1352. ex Cod. reg. 4120 : Hostia, dicitur sacrificium, Oite Gallice. Lit. remiss. ann. 1382. in Reg. 120. Chartoph. reg. ch. 214 :
Lesquelz pillars... s'en alerent en l'église de Beon, en laquelle ils prindrent un joyau de cristal, qui estoit en maniere d'une custode pour porter le [] Corps N. S. J. C. et une boiste d'yvoire, où il avoit deux Oistes sacrées..... En widant unes besaches où les dites choses estoient, il chut une des boistes en laquelle estoient les deux Oistes sacrées ; pourquoy ledit Guillaume prist à un drappel les dites Hoistes, et les remist en une des dites boistes, comme celui qui ne savoit se elles estoient sacrées, ou non.
Vitæ Patrum Mss. :
Et quant il vint au sacrement,
Que la sainte Oiste dut lever, etc.
P. Carpentier, 1766.
Hostiæ Divinæ Celebratio, Missæ sacrificium, in quo Corpus Christi conficitur. Hist. Fr. Sfortiæ apud Murator. tom. 21. Script. Ital. col. 533. male notata 553. ad ann. 1449 :
Ille (Franciscus) cum ea ipsa hora celebrationi divinæ Hostiæ interesset, non modo pedem, sed ne faciem quidem aut vultum mutare visus, sacramenti celebrationisque exitum exspectavit.
les Bénédictins de St. Maur, 1733–1736.
Hostia sub imagine Salvatoris in throno sedentis celebris apud Divionem ubi religiose asservatur, hodieque notata conspicitur guttis sanguineis, quæ olim manarunt, dum sacrilegus quidam Judæus pluribus gladii ictibus confodisset. Breve Eugenii IV. PP. ann. 1433. apud Miræum tom. 2. Diplom. Belgic. pag. 895 :
Tuis igitur in hac parte devotis supplicationibus annuentes, tibi Hostiam quamdam sub imagine Salvatoris in throno sedentis, mirabile Sacramentum Dominici Corporis, multis in locis a vesana cujusdam feritate gladii ictibus perforatam, et ex eo sanguine respersam in locis præfatis, quæ in sacrario nostro erat recondita, tuæ piæ devotioni concedimus et donamus.
Celeberrima quoque quæ Parisiis in ecclesia parochiali S. Johannis in Grevia asservatur et colitur : rem utpote notam, et ad nostrum institutum non omnino pertinentem silentio præterimus.
les Bénédictins de St. Maur, 1733–1736.
Hostiæ Fractio, in solemni sacrificio apud Muz-arabes fit in novem partes suo quovis nomine distinctas. Officium Gothicum tom. 3. Conc. Hispan. pag. 266 :
Symbolo Apostolorum recitato, vel dum in choro illud absolvitur, frangit Hostiam sacerdos et patenæ imponit... in novem (partes) eam dispescit, secundum præcipua novem fidei nostræ mysteria, in symbolo quod absolvitur contenta : dumque singulas partes frangit, ad earum quamlibet mysterii plena quædam verba profert.
Unaquæque nomine proprio donatur :
1. Corporatio, 2. Nativitas, 3. Circumcisio, 4. Apparitio, 5. Passio, 6. Mors, 7. Resurrectio, 8. Gloria, 9. Regnum
appellatur. Vide Glossar. med. Græcit. voce Μερίς, col. 907. c.
les Bénédictins de St. Maur, 1733–1736.
Hostiæ Caudam Immolare, Proverbialis formula, pro, quod cœptum est perficere. Epistola Gaufredi Abbatis S. Barbaræ apud Marten. tom. 1. Anecd. col. 543 :
Dilecto dilectori suo Hugoni frater Gaufredus talarem induere tunicam, et Hostiæ caudam immolare.
© École des chartes.